Ministerstva handlu Biełarusi prypyniła rabotu 13 internet-mahazinaŭ. Ab hetym paviedamiła siońnia žurnalistam namieśnik ministra Iryna Narkievič.
«Ministerstva handlu jak rehulatar było rada, što internet-handal u krainie aktyŭna raźvivajecca. Ale apošnim časam čamuści našy internet-mahaziny raptam paličyli, što ŭviedzieny maratoryj na pavyšeńnie cen i naohuł zakanadaŭstva našaj krainy ich nie datyčycca. Viadoma, hetaha nie pavinna być, tamu siońnia my zakryli 13 internet-mahazinaŭ. Akramia taho, trom internet-placoŭkam vypisany papiaredžańni», - adznačyła Iryna Narkievič.
Zakrytyja internet-mahaziny dapuścili parušeńni zakanadaŭstva ab handli i abaronie pravoŭ spažyŭcoŭ, što vyjaviłasia, u pryvatnaści, u nievykanańni patrabavańniaŭ ab raźmiaščeńni na sajcie cany vyklučna ŭ biełaruskich rublach, poŭnaj infarmacyi ab pradaŭcy, vytvorcy i imparciory, rekvizitaŭ ab dziaržaŭnaj rehistracyi indyvidualnaha pradprymalnika. Rabota internet-mahazinaŭ budzie adnoŭlena 24 śniežnia pry ŭmovie pradastaŭleńnia subjektami handlu ŭ Minhandal dakumientaŭ, jakija paćviardžajuć vykanańnie vydadzienych im pradpisańniaŭ ab spynieńni parušeńniaŭ pravoŭ spažyŭcoŭ.
Pradpisańni ab ustaranieńni vyjaŭlenych parušeńniaŭ zakanadaŭstva ab rekłamie vyniesieny sajtam www.deal.by, www.migom.by, www.kufar.by. Na ich raźmiaščajecca rekłama tavaraŭ z paznačeńniem koštu ŭ dołarach ZŠA.
Heta niedakładnyja źviestki ab canie tavaru, tamu što pa zakanadaŭstvie cana na tavar pavinna być ustanoŭlena ŭ biełaruskich rublach. Ciapier viadziecca rabota pa pryciahnieńni ŭładalnikaŭ hetych sajtaŭ da administracyjnaj adkaznaści pa č.1 art.12.15 KoAP Biełarusi, u adpaviednaści ź jakim praduhledžana adkaznaść u vyhladzie štrafu ad Br3 młn da Br7,5 młn.
Kamientary