Bresckija pravaabaroncy znajšli ŭ treds niečakanyja padrabiaznaści «dyjałohavaj placoŭki» ŭ kosaŭskim Pałacy Pusłoŭskich, na jakoj udzielničaŭ prakuror Ivacevickaha rajona Alaksandr Chomič.
«Dyjałoh ab supraćdziejańni ekstremizmu» prajšoŭ 8 krasavika. Jak paviedamlaje rajonka, Chomič «kampietentna i prostaj movaj raspavioŭ pra ŭsie mahčymyja prajavy hetaj źjavy, a taksama patłumačyŭ, jak nie paddacca na infarmacyjnyja chitraści destruktyŭnych internet-resursaŭ».
Paźniej adzin z udzielnikaŭ toj sustrečy, jaki padpisvajecca jak David Bakumienka, apublikavaŭ adkaz na svajo pytańnie Chomiču.
«Siońnia ja atrymaŭ adkaz ad prakurora: absirać zmaharoŭ pad ich pastami možna, i vam ničoha za heta nie budzie», — napisaŭ David.
Inšy karystalnik treds vyśvietliŭ, što David sapraŭdy ŭdzielničaŭ u tym «dyjałohu» i, imavierna, jaho śviedčańniu možna daviarać.
«Nam ciažka pavieryć, što prakuror sapraŭdy moh takoje skazać. Bo pa siońniašnim biełaruskim zakanadaŭstvie abrazy ŭ internet-prastory mohuć traplać pad administracyjnuju adkaznaść. A ŭ niekatorych vypadkach (naprykład, kali jość prykmiety raspalvańnia varožaści) — i pad kryminalnuju adkaznaść», — kamientujuć bresckija pravaabaroncy.
Kamientary