Niečakanaj zorkaj treds staŭ viciebski majstar pa paklejcy špaler
Jaho abažajuć za ścipłaść, załatyja ruki i luboŭ da chatnich hadavancaŭ, jakija niekali byli biazdomnymi. Akaŭnt majstra — maleńkaja vytvorčaść zamiłavańnia i stanoŭčych emocyj.
Viciebski ramontnik Aleh staŭ novaj zorkaj sacsietak dziakujučy redkamu spałučeńniu prafiesijanalizmu i ščyraha čałaviekalubstva.
Akaŭnt Aleha źjaviŭsia niekalki tydniaŭ tamu. U jaho ŭžo 1700 padpisčykaŭ.
«Ja Aleh ź Viciebska. Užo šmat hadoŭ zajmajusia paklejkaj špaler. Budu rady ŭsim novym zakazčykam. Cana i jakaść vas pryjemna paradujuć, vykonvaju paklejki luboj składanaści. Častka zarobku idzie na dapamohu biazdomnym žyviołam. Piensijanieram abaviazkova zrablu źnižku. Źviartajciesia, usim budu rady i ŭdziačny!» — prezientuje siabie Aleh.
Taksama jon raskazvaje pra svajo žyćcio i svaich hadavancaŭ: «Heta maje hadavancy. Moj stymuł žyć i pracavać. Lubić žyćcio i ŭsio žyvoje na ziamli. Dapamahać ludziam i ŭsim tym, chto ŭ hetym maje patrebu bolš za ŭsio».
Jamu pišuć słovy zachapleńnia i ŭdziačnaści za dabryniu i majsterstva.
«Aleh pakleiŭ mnie špalery va ŭsioj kvatery, a jašče dapamoh z razietkami i farboŭkaj dźviarej, i ja tak udziačnaja hetamu dobramu čałavieku z załatymi rukami. Zmoh z rarytetnaj kvatery zrabić śviežańkaje ŭtulnaje hniaździečka) Ach da, jašče prybraŭ usio paśla siabie i ni na chvilinu nie zatrymaŭ termin zakančeńnia rabot», — piša zakazčyca.
«Afihieć, takija ramontniki isnujuć! Jak u zapaviednik z adnarohami schadziła».
«Aleh — cudoŭny, najdabrejšaj dušy čałaviek. Vielmi dobry i prystojny! I vielmi vialiki prafiesijanał, jon umieje rabić praktyčna ŭsio. Ruki załatyja, heta dakładna!»
«Na samaj spravie voś takich ludziej, jakija sumlenna robiać dobry ramont, ich vielmi mała, litaralna na vahu zołata».
Kamientatary nie škadujuć dobrych słoŭ dla biełarusa.
«Mnie zdajecca — ja vas lublu».
«Vy cud, Aleh».
«Nizki pakłon takim ludziam!!! Niachaj takich budzie bolš!!!»
«Voś by dzieci ŭ škole tak na nastaŭnika hladzieli. Kłasnaja ŭ vas banda», — pišuć ludzi pra hadavancaŭ Aleha.
Taksama inšyja karystalniki treds zachaplajucca biełarusami.
«Biełaruś, nie mahu zrazumieć, čamu ŭ vas tak šmat dobrych ludziej? Jak vy heta robicie?»
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje28
Kamientary