Kampanija «Biełtonmedyja» vypuściŭ čarhovuju aŭdyjoknihu dla maleńkich słuchačoŭ — «Dzikija lebiedzi».
Kampanija «Biełtonmedyja» vypuściŭ čarhovuju aŭdyjoknihu dla maleńkich słuchačoŭ — «Dzikija lebiedzi».
Na kampaktnym dysku zapisanyja kazki Hansa Chryścijana Andersena pa‑biełarusku. Heta ŭžo dziesiataja aŭdyjokniha kampanii. Aŭtarski kalektyŭ rychtuje jašče niekalki takich pracaŭ, a nieŭzabavie pabačać śviet i multfilmy. Stvaralniki aŭdyjoknihi «Dzikija lebiedzi» namahajucca zrabić litaraturu biełaruskaj i sučasnaj adnačasova. Kalektyŭ «Biełtonmedyja» užo pierakłaŭ i ahučyŭ šerah tvoraŭ, u tym liku ź dziciačaj litaratury školnaj prahramy, a taksama pierakładnyja tvory z zamiežnych movaŭ.
Drukavanaja kniha «Dzikija lebiedzi» vydavałasia napačatku 1990‑ch u pierakładzie z dackaj movy. Ciapier jaje ahučyli i pierakłali ŭ sučasny aŭdyjofarmat. Tekst čytaje aktorka Halina Kuchalskaja. Stvaralniki knižki ažyvili jaje hukami pryrody: słuchačy pačujuć śpievy ptušak i huki žamiary.
Stvaralniki aŭdyjoknižak damovilisia z kniharniami ŭ Miensku i ŭ rehijonach, kab hukavyja vydańni byli pradstaŭlenyja na palicach poruč z drukavanaj litaraturaj.
Havoryć adzin z kaardynataraŭ prajektu Franak Viačorka:
«Naša zadača raspaŭsiudžvać litaraturu nie padpolnymi metadami, jak heta było apošnija 15 hadoŭ, a lehalna. Dziela hetaha my zarehistravali aficyjnuju firmu, jakaja nazyvajecca «Biełtonmedyja», u jakuju uvajšli ŭsie našyja tvorcy — režysery, aktory, aŭtary. My planujem, što hetaja firma zojmie svoj sehment na rynku, sehment biełaruskaj jakasnaj litaratury, muzyčnaj pradukcyi, a taksama videafilmaŭ».
Nieŭzabavie vyjduć u śviet knižki z seryi «školnaj litaratury». Užo zroblenyja «Paleskija chroniki» Ivana Mieleža. Ahučany «Symon‑muzyka», pjesy Janki Kupały. Da dnia śviatoha Valancina rychtujecca aŭdyjoknižka Antuana de Sent‑Ekziupery «Maleńki prync».
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary