Uładzimir Pucin zapatrabavaŭ nieadkładna adnavić admienienyja elektryčki. Spačatku — puścić ciahniki, a ŭžo potym raźbiracca ź finansavymi pytańniami, skazaŭ prezident. Pavodle apošnich dadzienych, pryharadnyja ciahniki byli całkam admienienyja ŭ troch abłaściach, u astatnich rehijonach admienienyja sotni maršrutaŭ. Da pačatku lutaha damovy na praciah pracy elektryčak nie zaklučyła amal pałova subjektaŭ RF.
U sieradu tema admieny elektryčak u Rasii była padniataja na naradzie ŭrada ŭ Nova-Aharova. Prezident Uładzimir Pucin rezka raskrytykavaŭ likvidacyju pryharadnaha čyhunačnaha ruchu.
«Što ŭ nas, ministerstva transpartu nie isnuje, ci što? Što adbyvajecca? My razumiejem, nakolki heta surjozna, heta ž nie adzin aŭtobusny maršrut admianili, a pierastali chadzić elektryčki ŭ rehijony.
Vy što, z hłuzdu źjechali, ci što? Heta niesurjozny padychod, heta ž tyčycca tysiač ludziej!» — aburyŭsia Pucin.
Vice-premjer RF Arkadź Dvarkovič paćvierdziŭ, što jość prablema z narmalnym rucham pryharadnych ciahnikoŭ.
«My viedajem, što ŭ niekalkich rehijonach krainy admienienyja maršruty elektryčak pa dziesiatkach kirunkaŭ. Pieralik takich maršrutaŭ, takich elektryčak u nas jość, jość suma hrošaj, jakaja nieabchodna dla adnaŭleńnia maršrutaŭ», — skazaŭ vice-premjer. «U cełym dadzienuju prablemu majuć namier vyrašyć na praciahu adnaho miesiaca», — dadaŭ jon.
Adnak prapanavanyja terminy nie zadavolili haranta.
«Voś vy ciapier prapanavali nabor mier. A što, raniej hetaha nielha było zrabić? Urad čym zajmaŭsia, kali ŭvodziŭ adpaviednyja narmatyvy, kali padtrymaŭ źmienu ŭzajemaadnosin pamiž rehijonami i RČ?» — skazaŭ kiraŭnik rasijskaj dziaržavy.
U vyniku Pucin zapatrabavaŭ ad urada nieadkładna adnavić pryharadny ruch, a ŭžo potym zajmacca pytańniami, źviazanymi z pošukam dadatkovych srodkaŭ.
Taksama jon zapatrabavaŭ, kab byli dadzieny harantyi kampanijam-pieravozčykam i rehijonam.
«Niaŭžo heta nielha było zrabić zahadzia? A ciapier vy kažacie, što treba jašče dva miesiacy dla taho, kab hetuju prablemu zakryć. Čyhunačny ruch pryharadny pavinien być adnoŭleny, i nieadkładna, z harantyjami adpaviednymi RČ, rehijonam pa rašeńni prablemy», — zajaviŭ Pucin.
«Ja na praciahu sutak prapanuju finansavyja rašeńni, jakija daduć mahčymaść zabiaśpiečyć adnaŭleńnie ruchu», — paabiacaŭ paśla hetaha Dvarkovič.
U RČ zajavili, što jany raspracoŭvajuć płan viartańnia elektryčak, u jaki ŭvachodzić raskansiervacyja ruchomaha sastavu i ŭzhadnieńnie hrafikaŭ.
U sieradu taksama stała viadoma, što elektryčki całkam byli admienienyja, akramia Pskoŭskaj i Vałahodskaj abłaściej, jašče ŭ adnym rehijonie — u Tulskaj vobłaści.
Pryčynaj kryzisu elektryčak staŭ vialiki doŭh rehijonaŭ pierad RČ — bolš za 36 młrd rub.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary