«Dziru» ŭ zakonie terminova vypravili, ale novy paradak ustupiŭ u siłu tolki na nastupny dzień.
Ekstazi, kietamin i mietamfietamin i sotnia inšych narkotykaŭ stali na dzień lehalnymi ŭ Irłandyi, raspaviadaje Business Insider sa spasyłkaj na irłandskija ŚMI.
U aŭtorak, 10 sakavika Akt pra złoŭžyvańnie narkotykami 1977 hoda byŭ pryznany apielacyjnym sudom niekanstytucyjnym padčas raboty nad źmienaj kłasifikacyi psichaaktyŭnych rečyvaŭ. Praz heta z 11 sakavika farmalna staŭ lehalnym šerah narkatyčnych rečyvaŭ.
Urad Irłandyi zaŭvažyŭ «dziru» ŭ zakonach i terminova ŭziaŭsia za papraŭki. Ale pryniatyja papraŭki ŭstupiać u siłu nie raniej za 12:00 12 sakavika.
«Dzira» ŭ zakonie na zakranaje hierain, kakain ci kanabis — tolki bolš novyja narkotyki. Urad padkreślivaje, što pastaŭki i prodaž narkotykaŭ «zastajucca złačynstvam pavodle isnujučych zakonaŭ».
* * *
Advarotnaja prablema da niadaŭniaha času isnavała ŭ Biełarusi. U śpis narkatyčnych srodkaŭ rehularna traplali novyja rečyvy, ale ŭkładalniki śpisu nie paśpiavali za vytvorcami škodnych rečyvaŭ. Novyja sintetyčnyja narkotyki chutka vynachodzilisia i peŭny čas źjaŭlalisia farmalna lehalnymi.
«Dziru» ŭ zakonach vypraviŭ «antynarkatyčny dekret», u jakim byŭ uviedzieny paniatak «bazavaja struktura narkatyčnych srodkaŭ, psichatropnych rečyvaŭ i ich prekursoraŭ», što faktyčna zabaraniła ŭsie mahčymyja «spajsy».
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary