U Dziarždumie RF prosiać adchilić Zurabava ad pasady rasijskaha pasła va Ukrainie
Členy frakcyi KPRF u Dziarždumie aceńvajuć dziejnaść pasła Zurabava jak pravał palityki Rasii va Ukrainie.
Členy frakcyi KPRF u Dziarždumie Valeryj Raškin i Siarhiej Abuchaŭ paprasili rasijski MZS prapanavać prezidentu adchilić Michaiła Zurabava ad pasady pasła va Ukrainie, paviedamlaje 25 sakavika RIA Naviny.
U svaim zapycie na imia kiraŭnika MZS Siarhieja Łaŭrova deputaty adznačajuć, što Zurabaŭ byŭ pryznačany pasłom u 2009 hodzie, adnak jaho dziejnaść za hetyja hady nie spryjała praduchileńniu rostu antyrasijskich nastrojaŭ va Ukrainie, praduchileńniu Majdana.
Pavodle deputataŭ, ekśpierty nie tolki padviarhajuć dziejnaść pasła surjoznaj krytycy, ale i niaredka aceńvajuć jak pravał palityki Rasii va Ukrainie.
Na dumku Raškina i Abuchava, adsutnaść aktyŭnaj pracy Zurabava pryviała «da źniknieńnia jak-niebudź pryncypovaha i paśladoŭnaha adstojvańnia intaresaŭ Rasii i ruskich va Ukrainie».
Pry hetym kamunisty ŭkazali na toje, što z pasłom ZŠA va Ukrainie palityki hetaj krainy ličylisia.
Kali Kanapackaja stała całkam padkantrolnaja Łukašenku?22
Kamientary