У Дзярждуме РФ просяць адхіліць Зурабава ад пасады расійскага пасла ва Украіне
Члены фракцыі КПРФ у Дзярждуме ацэньваюць дзейнасць пасла Зурабава як правал палітыкі Расіі ва Украіне.
Члены фракцыі КПРФ у Дзярждуме Валерый Рашкін і Сяргей Абухаў папрасілі расійскі МЗС прапанаваць прэзідэнту адхіліць Міхаіла Зурабава ад пасады пасла ва Украіне, паведамляе 25 сакавіка РІА Навіны.
У сваім запыце на імя кіраўніка МЗС Сяргея Лаўрова дэпутаты адзначаюць, што Зурабаў быў прызначаны паслом у 2009 годзе, аднак яго дзейнасць за гэтыя гады не спрыяла прадухіленню росту антырасійскіх настрояў ва Украіне, прадухіленню Майдана.
Паводле дэпутатаў, эксперты не толькі падвяргаюць дзейнасць пасла сур'ёзнай крытыцы, але і нярэдка ацэньваюць як правал палітыкі Расіі ва Украіне.
На думку Рашкіна і Абухава, адсутнасць актыўнай працы Зурабава прывяла «да знікнення як-небудзь прынцыповага і паслядоўнага адстойвання інтарэсаў Расіі і рускіх ва Украіне».
Пры гэтым камуністы ўказалі на тое, што з паслом ЗША ва Украіне палітыкі гэтай краіны лічыліся.
Калі Канапацкая стала цалкам падкантрольная Лукашэнку?22
Каментары