U Minsku zatrymali šaściarych padazravanych u arhanizacyi bardelnaha biźniesu
U Minsku zatrymanyja arhanizatar i ŭdzielniki złačynnaj hrupy, jakija, pavodle dadzienych milicyi, pryciahvali žančyn da zaniatkaŭ prastytucyjaj, paviedamiŭ BIEŁTA načalnik upraŭleńnia i hramadskich suviaziaŭ MUS Kanstancin Šalkievič.
Usie šaściora zatrymanych — hramadzianie Biełarusi va ŭzroście ad 20 da 50 hadoŭ.
«Viadoma jak minimum pra troch žančyn, jakija prymali klijentaŭ na zdymnych kvaterach. U złačynnaj hrupie byŭ vyrazny padzieł rolaŭ pa viarboŭcy žančyn dla zaniatkaŭ prastytucyjaj, najmu žyłych pamiaškańniaŭ, padboru klijentaŭ, raźmiaščeńni rekłamnych abjaŭ u internecie», — rastłumačyli ŭ MUS.
«Mnohija kvatery byli abstalavanyja sistemami schavanaha videanazirańnia», — dadali ŭ MUS.
Hienieralnaj prakuraturaj raspačata kryminalnaja sprava pa č.2 art.171 KK (vykarystańnie zaniatku prastytucyjaj ci stvareńnie ŭmoŭ dla zaniatku prastytucyjaj). Zatrymanym pahražaje da 10 hadoŭ pazbaŭleńnia voli.
Imavierny arhanizatar złačynnaj hrupy raniej užo byŭ dvojčy sudzimy za anałahičnyja złačynstvy. Paśla vyzvaleńnia ŭ 2013 hodzie ź miescaŭ pazbaŭleńnia voli mužčyna znoŭ uziaŭsia za kryminalny biźnies, schavać jaki płanavaŭ pad vidam pradprymalnickaj dziejnaści pa zdačy ŭnajom žyłych pamiaškańniaŭ.
Apieracyju pa zatrymańni padčas praviadzieńnia apieratyŭna-vyšukovych mierapryjemstvaŭ ažyćciavili «supracoŭniki hałoŭnaha ŭpraŭleńnia pa narkakantroli i supraćdziejańni handlu ludźmi kryminalnaj milicyi MUS va ŭzajemadziejańni z kalehami z HUUS Minharvykankama i bajcy śpiecpadraździaleńnia «Ałmaz», — raspavioŭ pradstaŭnik MUS.
Kali Kanapackaja stała całkam padkantrolnaja Łukašenku?22
Kamientary