Kiraŭnikoŭ MNS Ukrainy zatrymali za karupcyju ŭ žyvym efiry VIDEA
Siarhiej Bačkoŭski i jaho namieśnik Vasil Stajecki abvinavačanyja ŭ stvareńni karupcyjnaj schiemy pry dziaržzakupkach.
Hałava Dziaržsłužby pa nadzvyčajnych situacyjach Ukrainy (rearhanizavanaje MNS) i jaho namieśnik zatrymanyja padčas pasiedžańnia Kabminu, paviedamlaje «Livij bierieh».
Zatrymańnie faktyčna adbyłosia ŭ žyvym efiry — z pasiedžańnia Kabminu tranślacyju vioŭ šerah ukrainskich telekanałaŭ.
Z zały pasiadžeńniaŭ čynoŭnikaŭ vyvieli ŭzbrojenyja milicyjanty.
Hałavu Dziaržsłužby Siarhieja Bačkoŭskaha i jaho namieśnika Vasila Stajeckaha abvinavačvajuć u stvareńni karupcyjnaj schiemy tendarnaj zakupki haruča-zmazačnych materyjałaŭ u «Łukojł», «Aljans» i inšych kampanij pa zavyšanych cenach. Zakupki adbyvalisia praz pryvatnuju kampaniju, jakaja pieravodziła srodki ŭ afšor Bačkoŭskaha i Stajeckaha na vostravie Džersi.
Pa prośbie ministra ŭnutranych spraŭ Arsiena Avakava Bačkoŭski i Stajecki užo siońnia buduć zvolnienyja sa svaich pasad. Taksama ministr prosić ab źniaćci z pasad usich supracoŭnikaŭ słužby, datyčnych da karupcyjnaj schiemy, u tym liku ŭsich abłasnych kiraŭnikoŭ słužby.
* * *
Siarhiej Bačkoŭski kiravaŭ Ministerstvam pa nadzvyčajnych situacyjach z 2004 hoda. U 2012 hodzie ministerstva było rearhanizavanaje ŭ Dziaržsłužbu pa nadzvyčajnych situacyjach i abjadnanaje ź Dziaržinśpiekcyjaj pa technałahičnaj biaśpiecy. Z 25 krasavika 2014 hoda pieraviedzienaje z padnačalvańnia Minabarony ŭ padnačalvańnie Ministerstva ŭnutranych spraŭ.
Kali Kanapackaja stała padkantrolnaja Łukašenku? Raskazvajuć jaje siabry2
Kamientary