Muzyki zajavili, što tym samym vykazvajuć tvorčuju salidarnaść z hurtom Naka i arhanizatarami prajektu «Re:Pieśniary».
26 sakavika N.R.M. i Drum Ecstasy mieli sumiesny vystup u klubieRe:Public. Padčas seta kamandy Fiła Čmyra na scenu vyjšaŭ frantmen N.R.M. Pit Paŭłaŭ i pry padtrymcy bubnačoŭ vykanaŭ dva tvory – «Mova» na słovy Alesia Razanava i «Malitvu» Janki Kupały.
U svaim kamentary dla partału Tuzin.fm Pit Paŭłaŭ patłumačyŭ, što tym samym jon z kalehami chacieŭ vykazać svajo staŭleńnie da kanfliktu, jaki adbyŭsia miž kampazytaram Aleham Moŭčanam z adnaho boku i śpiavačkaj Nastaj Špakoŭskaj dy pradusaram Siarhiejem Budkinym z druhoha: «My zaniali bok muzykaŭ i arhanizataraŭ prajektu ŭ hetym kanflikcie. Nia toje, kab my suprać aŭtarskich pravoŭ. Prosta dla mianie vidavočna, što pieśnia była napisanaja Moŭčanam u suaŭtarstvie z Mulavinym i ŭniosak Mulavina jość vyrašalnym u hetaj pieśni. Mnie vielmi spadabałasia ideja sustrečnaj pozvy da Moŭčana, bo pieśnia sapraŭdy maje naležyć u pieršuju čarhu dziaržavie – Respublicy Biełaruś. Druhi aśpiekt – dzialić hrošy treba kali jany jość. Hrošy, atrymanyja ad vykanańnia, spłočany aŭtaru. Patrabavać zvyš za toje, heta niaščyra ŭ našych umovach. Heta sproba zabić słaby naš šoŭ-biz».
Svaju salidarnaść da hetaha ŭžo vykazali taksama śpiavačka Pauline, paety Adam Hlobus, Bajsan, paet i muzyka Siarhiej Bałachonaŭ, Hleb Łabadzienka i 230 słuchačoŭ kursaŭ «Mova Nanova». Pra svaju maralnuju padtrymku hurta Naka ŭ suviazi z hetym kanfliktam publična taksama zajavili Vieranika Kruhłova,Alaksandar Kullinkovič, Aleh Chamienka dy šerah inšych tvorcaŭ.
-
«Ja była tolki abałonkaj čałavieka». Kajli Minoŭh raskazała, jak u jaje druhi raz dyjahnastavali rak i jak jana nie chacieła pra heta raskazvać
-
«Jeŭrabačańnie» vyjhrała Bałharyja. Heta pieršaja pieramoha hetaj krainy ŭ historyi konkursu
-
Finlandyja, Danija, Narviehija. Abo Hrecyja ci Francyja? Top sioletniaha «Jeŭrabačańnia»
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina23
Kamientary