Navukoŭcy stvaryli antycieły, što značna pasłablajuć VIČ
Adna doza na bje pa virusu 28 dzion i nie daje mocnych pabočnych efiektaŭ.
Siońniašnija antyretravirusnyja srodki tolki strymlivajuć raźvićcio virusu imunadeficytu čałavieka. Ale niadaŭna stvoranaja malekuła 3BNC117 značna pasłablaje sam virus, raspaviadajuć navukoŭcy ŭ časopisie Nature.
Antycieły 3BNC117 efiektyŭnyja suprać 80% štamaŭ VIČ i na peŭny čas značna skaračajuć prysutnaść VIČ u kryvi. Praŭda, preparat nie zabiŭ virus kančatkova.
Preparat byŭ pravierany na 29 dobraachvotnikach, kožny atrymaŭ dozu ad 1 da 30 mh. U čaćviorych utvaryłasia rezistyŭnaść da lekaŭ. Ale ŭ vaśmi nazirałasia značnaje (u 300 razoŭ) skaračeńnie VIČ u kryvi, jašče ŭ čaćviorych navat pa prašeści 28 dzion VIČ u kryvi było mienš, čym pierad pačatkam testaŭ. Ciažkich pabočnych efiektaŭ testy nie vyjavili.
3BNC117 byŭ atrymany praz kłanavańnie antycieła, što ŭtvarajecca ŭ 1% VIČ-infiektavanych.
Pakul leki nie hatovyja da vychadu na rynak. Navukoŭcy chočuć pravieryć preparat na spałučalnaść ź inšymi lekami dy na mahčymaść vykarystańnia padčas paŭzy ŭ antyretravirusnaj terapii. Mahčyma, preparat možna vykarystoŭvać i jak previentyŭnuju mieru.
Čytajcie taksama: Navukoŭcy stvaryli vakcynu ad zaražeńnia VIČ
Minčanka pakinuła stanoŭčy vodhuk na sumku — i raptam vykryła zdradu čužoha muža16
Kamientary