Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi
Vasil Hustyr bolš za 45 hadoŭ uznačalvaŭ mocnuju haspadarku «Śvisłač» pad Hrodnam, a skončyłasia ŭsio kryminalnaj spravaj. Jamu pahražaje da 12 hadoŭ źniavoleńnia.
U Hrodzienskim rajonnym sudzie prachodzić kryminalny praces nad kiraŭnikom SPK «Śvisłač» Hrodzienskaha rajona Vasilom Hustyrom i hałoŭnaj buchhałtarkaj Zinaidaj Ramanoŭskaj.
Ich vinavaciać u kradziažy šlacham złoŭžyvańnia słužbovymi paŭnamoctvami. Pakarańnie pa hetym artykule — ad 5 da 12 hadoŭ źniavoleńnia.
77-hadovy Vasil Hustyr — adzin z samych paśpiachovych ahraryjaŭ Biełarusi, maje zvańnie zasłužanaha rabotnika sielskaj haspadarki, orden Ajčyny III stupieni. Jaho «Śvisłač» uvachodziła ŭ top-10 haspadarak krainy pa ŭradžajnaści.
Hustyr naradziŭsia na Pružanščynie, ale ŭrešcie asieŭ pad Hrodna. Jon uznačaliŭ «Śvisłač» u krasaviku 1977 hoda i kiravaŭ joj kala 47 hadoŭ. Pry im u ahraharadku Śvisłač daviali da ładu pałac Krasinskaj-Pusłoŭskaj, u jakim adkryli muziej haspadarki, taksama adnavili carkvu.
Ahraryj byŭ hierojem dziasiatkaŭ publikacyj dziaržaŭnych ŚMI. Chvaliŭ palityku Alaksandra Łukašenki, padtrymlivaŭ «Biełuju Ruś». Šmat razoŭ byŭ deputatam Hrodzienskaha rajonnaha savieta deputataŭ, kataŭsia na Usiebiełaruskija narodnyja schody.
Adnak heta nie ŭratavała ad kryminalnaha pieraśledu.
Infarmacyju pra jaho zatrymańnie siłaviki nie paviedamlali. Dakładna nieviadoma, kali heta adbyłosia. U kancy 2023 hoda Hustyr jašče davaŭ badzioryja intervju, a ŭ sakaviku 2024 hoda na jaho miesca pryznačyli Siarhieja Saŭčyka, hałoŭnaha ahranoma «Śvisłačy».
-
Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem
-
«Nie jem paśla šostaj i kožny dzień rablu «nažnicy». Sakrety badzioraści i historyja žyćcia 99-hadovych siaścior-bliźniatak z Vaŭkavyska
-
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»9
Kamientary