Suśvietnaja arhanizacyja achovy zdaroŭja pryznała «surjoznyja pamyłki» ŭ svajoj pracy pry reahavańni na raspaŭsiud virusa Eboła ŭ krainach Zachodniaj Afryki i paabiacała pravieści nieabchodnyja reformy, paviedamlajecca ŭ raźmieščanaj na aficyjnym sajcie zajavie.
U dakumiencie havorycca, što «ŭvieś śviet, u tym liku SAAZ», akazaŭsia nie hatovy da maštabnaj i praciahłaj uspyški zachvorvańnia lichamankaj Eboła, jakaja pačałasia ŭ Hviniei ŭ śniežni 2013 hoda.
U arhanizacyi śćviardžajuć, što «pryniali da viedama krytyku», u pryvatnaści, z nahody «pavolnaj i nieefiektyŭnaj reakcyi», a taksama niesvoječasovaha paviedamleńnia ab niebiaśpiecy virusa, niazdolnaści akazać dapamohu hetak vialikamu liku tych, chto zachvareŭ, i niedastatkovaj kaardynacyi pamiž miedycynskimi arhanizacyjami. Narešcie, u SAAZ pryznajuć nieefiektyŭnaść ułasnaj struktury kiravańnia ŭ kryzisnaj situacyi.
U suviazi z hetym kiraŭnictva SAAZ abaviazujecca pravieści reformy, nieabchodnyja dla padrychtoŭki da chutkaha reahavańnia na humanitarnyja katastrofy i ŭspyški zachvorvańniaŭ. U pryvatnaści, u arhanizacyi prapracujuć miechanizmy finansavańnia i materyjalnaha zabieśpiačeńnia misij u achoplenyja ŭspyškami zachvorvańniaŭ rehijony, a taksama stvareńnia hrupy z pa mienšaj miery tysiačy kvalifikavanych śpiecyjalistaŭ, jakija buduć hatovyja pryniać udzieł u hetych mierapryjemstvach.
Epidemija virusa Eboła ŭ Zachodniaj Afrycy zakranuła, pa bolšaj častcy, try dziaržavy: Hvinieju, Śjera-Leone i Libieryju. Ahulnaja kolkaść tych, chto zaraziŭsia śmiarotna niebiaśpiečnym virusam, pieravysiła 25 tysiač čałaviek, kolkaść pamierłych — 10 tysiač.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary