Za pierachodam bajkierami biełaruska-polskaj miažy ŭ Breście budzie nazirać pradstaŭnik rasijskaha pasolstva
Za pierachodam bajkierami biełaruska-polskaj miažy ŭ Breście budzie nazirać pradstaŭnik rasijskaha pasolstva, paviedamiŭ žurnalistam na Kurhanie Słavy kiraŭnik hrupy ŭdzielnikaŭ motaprabiehu «Darohi Pieramohi. Maskva — Bierlin» Andrej Babroŭski.
Pavodle jaho słoŭ, dypłamat budzie fiksavać usie parušeńni, kali takija buduć pry pierasiačeńni miažy.
Babroŭski zaznačyŭ, što nijakich pieraškod z boku biełaruskich uład pry pierajeździe z Maskvy da Kurhana Słavy nie ŭźnikła. Udzielniki hrupy jechali z chutkaściu 110—120 km u hadzinu ŭ supravadžeńni DAI.
Bajkiery majuć namier uskłaści da Kurhana Słavy kvietki, a paśla hetaha adpravicca ŭ Chatyń. «Chatyń — heta pamiatnaje miesca dla nas. A Kurhan Słavy dla nas važny, bo Minsk — adzin ź pieršych haradoŭ, jaki pryniaŭ na siabie ŭdar niamieckich fašystaŭ», — skazaŭ Babroŭski.
Viečaram bajkiery płanujuć być u Breście.
Kamientujučy zajavy niekatorych pradstaŭnikoŭ ES nakont motaprabiehu, Babroŭski zaznačyŭ, što ŭ internecie «šmat supiarečlivaj infarmacyi, adnak aficyjnych paviedamleńniaŭ ab anulavańni viz bajkiery nie atrymlivali».
Usie vizy matacyklisty atrymlivali ŭ indyvidualnym paradku. «Naša asnoŭnaja meta — ušanavać pamiać baćkoŭ, dziadoŭ, jakija zastalisia na palach Jeŭropy. Taksama źjaviłasia misija abjadnacca z našymi siabrami ŭ Jeŭrasajuzie», — zajaviŭ kiraŭnik hrupy.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary