Rasija źmianiła svajho pradstaŭnika ŭ trochbakovaj kantaktnaj hrupie pa ŭrehulavańni situacyi ŭ Danbasie. Zamiest pasła ŭ Kijevie Michaiła Zurabava ŭ hrupie budzie pracavać pasoł pa asablivych daručeńniach Azamat Kulmuchamietaŭ.
Adpaviednaje rasparadžeńnie padpisaŭ prezident Rasii Uładzimir Pucin, paviedamiła 27 krasavika pres-słužba Kramla.
62-hadovy Kulmuchamietaŭ raniej śpiecyjalizavaŭsia na arabskich krainach: byŭ pasłom Rasii ŭ Kuviejcie (2003—2008) i Siryi (2011—2014), savietnikam pasolstva ŭ Iardanii (1993—1998). U savieckija časy pracavaŭ u pasolstvach Siryi (1978—1981) i Jehipta (1987—1988). Zajmaŭ pasadu namieśnika dyrektara departamienta Blizkaha Uschodu i Paŭnočnaj Afryki MZS RF. Udzielničaŭ va ŭrehulavańni ciapierašniaha siryjskaha kanfliktu.
U trochbakovuju kantaktnuju hrupu aficyjna ŭvachodziać pradstaŭniki Ukrainy (były prezident Leanid Kučma), ABSIE (pasoł Chajdzi Taljavini) i Rasii. Nieaficyjna — pradstaŭniki danieckich i łuhanskich sieparatystaŭ, na pieramovach u Minsku (apošnija adbylisia 11—12 lutaha paralelna z samitam «narmandskaj čaćviorki») heta byli Dzianis Pušylin i Uładzisłaŭ Dziajnieha.
Ciapier čytajuć
U Varšavu pryjechała sotnia biełaruskich palitviaźniaŭ11
Kamientary