Francyja nakiravała zachodniaj susiedcy Biełarusi taktyčnuju abjadnanuju padhrupu vojsk, asnovu jakoj składajuć 15 tankaŭ Leclerc, paviedamiŭ aŭtarytetny časopis IHS Jane's Defence Weekly
Takim čynam, Polšča atrymlivaje braniatankavuju padtrymku ŭžo ad čaćviortaj krainy za apošni hod — raniej palaki pravodzili sumiesnyja vučeńni z tankavymi siłami ZŠA, Brytanii i Niamieččyny.
Tanki AMX-56 Leclerc nazvanyja ŭ honar hienierała Filipa Leklerka, jaki kamandavaŭ francuzskaj tankavaj dyvizijaj pry vyzvaleńni Paryža ad niamieckich akupantaŭ u žniŭni 1944 hodu. Mašyna, raspracavanaja ŭ 1980-ja hady, važyć kala 57 t, uzbrojenaja 120-mm puškaj, ekipaž — 3 čałavieki. Chutkaść — da 72 km/h.
Francuzskaja hrupoŭka składajecca z 15 tankaŭ i adździełaŭ piachoty i sapioraŭ na bolš lohkaj braniatechnicy. Jany adpravilisia ŭ šlach 20 krasavika i prabuduć u Polščy 2 miesiacy, kab brać udzieł u roznych sumiesnych vučeńniach.
Zhodna z zajavami francuzskich uradoŭcaŭ, kantynhient prademanstruje Varšavie i inšym uschodniejeŭrapiejskim siabram NATA hatoŭnaść zachodnich chaŭruśnikaŭ abaranić ich u vypadku kanfliktu.
Viasnoj 2014 hoda Francyja ŭžo nakiroŭvała 4 źniščalniki Rafale i 4 źniščalniki Mirage na polskuju avijabazu ŭ Malbarku. Taksama francuzski fłot udzielničaje ŭ patrulavańni Bałtyjskaha mora z bazy ŭ Hdyni.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary