Niekalki faktaŭ pra rasijski sieryjał «Laśnik», jaki hladzić Łukašenka
Vystupajučy z pasłańniem da parłamienta 29 krasavika, Alaksandr Łukašenka vykazaŭsia i pra sieryjały. U pryvatnaści, jon vysoka acaniŭ sieryjał «Laśnik». Maŭlaŭ, padabajecca, bo lohki. Pra što ž hety film?
Były śpiecnazaviec Leanid pracuje ŭ tajzie laśnikom. Razam z adnadumcami jon raskryvaje złačynstvy brakańjeraŭ i bandytaŭ, dapamahaje žycharam vioski Alchoŭka.
Taki siužet maje sieryjał «Laśnik».
Hałoŭnuju rolu ŭ sieryjale vykonvaje daniecki akcior Aleh Štefanko, viadomy pa ŭdziele ŭ filmach «Pudziła» i «Sercajedki», sieryjałach «Bitva za Maskvu», «Bitva za kosmas», «Hulnia na vybyvańnie» i «U pošukach kapitana Hranta».
Sieryjał vychodzić u efir na NTV z 2011 hoda. Siońnia pakazvajuć užo treci siezon. Hałoŭny hieroj znachodzić novaje kachańnie, ale tut ža dziaŭčynu zabivaje kiler.
«Laśnik» atrymaŭ źmiašanyja vodhuki, adznaka hledačoŭ na «Kinapošuku» składaje 5,6 z 10 bałaŭ.
«U kulturu ŭkładzienyja niemałyja hrošy. Ale žadanaj addačy pakul niama. Rasija stvaryła stolki prościeńkich, lohkich filmaŭ. Mnie spadabaŭsia film «Leninhrad-46», «Laśnik». Jany ž u Minsku zdymajucca. U tych zakutkach, jakija navat Ładućka nie naviedvaŭ. Niaŭžo my nie možam stvaryć takija filmy? Ludzi b hladzieli. U paścielach, hladžu, kuvyrkajucca našy dziaŭčatki biełaruskija z ruskimi mužykami. Ludziam nadakučyła hetaja abnažonka», — kazaŭ Łukašenka.
Jon nazvaŭ nieefiektyŭnaj dziaržaŭnuju palityku ŭ halinie kultury i zapatrabavaŭ stvareńnia prostych biełaruskich sieryjałaŭ na ŭzor tych, jakija zdymajuć rasijskija telekanały.
Ciapier čytajuć
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4040
Kamientary