Troje dziaciej z Horak, špitalizavanych u Mahiloŭskuju abłasnuju dziciačuju balnicu ŭ vyniku pierakulvańnia nadzimanaha atrakcyjona, majuć ciažkija traŭmy, paviedamiŭ 5 maja žurnalistam u Horkach pradstaŭnik Dziaržaŭnaha kamiteta sudovych ekśpiertyz.
4 maja ŭ vyniku pierakulvańnia nadzimanaha atrakcyjona ŭ Horkach cialesnyja paškodžańni roznaj stupieni ciažkaści atrymali dzieviać dziaciej va ŭzroście ad 2,5 da 10 hadoŭ. Pieršapačatkova jany byli špitalizavanyja ŭ Horackuju rajonnuju balnicu. Potym adno dzicia było vypisana, troje najbolš paciarpiełych pieraviedzieny ŭ traŭmatałahičnaje adździaleńnie Mahiloŭskaj abłasnoj dziciačaj balnicy, astatnija piać praciahvajuć lačeńnie ŭ Horkach.
Pavodle słoŭ ekśpierta, usie pieraviedzienyja ŭ Mahiloŭ dzieci — va ŭzroście ad 7 da 10 hadoŭ. Najbolš ciažkija traŭmy atrymała dziaŭčynka, u jakoj pałamanaja ruka i jość množnyja pierałomy kaściej tazu. Vielmi vierahodna, što hetyja paškodžańni buduć kvalifikavanyja jak ciažkija cialesnyja.
Jašče adno špitalizavanaje ŭ abłasnuju balnicu dzicia maje pierałomy abiedźviuch ruk, treciaje — množnyja pierałomy adnoj ruki.
Jak było adznačana na naradzie ŭ Horkach, jakuju pravioŭ staršynia Śledčaha kamiteta Valancin Šajeŭ, adno z paciarpiełych dziaciej — hramadzianin Rasii.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary