1 lipienia 2015 hoda nabuduć siłu papraŭki ŭ dekret № 28 «Ab dziaržaŭnym rehulavańni vytvorčaści, abarotu i spažyvańnia tytuniovaj syraviny i tytuniovych vyrabaŭ», zhodna ź jakimi budzie zabaronienaja vykładka tytuniovych vyrabaŭ u vitrynach abo na inšym handlovym abstalavańni ŭ handlovych sietkach.
Pra heta paviedamiła namieśnik hałoŭnaha doktara Respublikanskaha centra hihijeny, epidemijałohii i hramadskaha zdaroŭja Ludmiła Narojčyk na pres-kanfierencyi, pryśviečanaj praviadzieńniu ŭ krainie z 11 pa 31 maja respublikanskaj infarmacyjna-adukacyjnaj akcyi «Biełaruś suprać tytuniu».
«My ŭžo nie ŭbačym cyharety na stełažach nad kasami, tam budzie raźmiaščacca tolki prajs z najmieńniami tytuniovych vyrabaŭ i canoj», — skazała Narojčyk.
Jana nahadała, što ŭ Biełarusi zabaronienaja rekłama tytuniovych vyrabaŭ i vyznačanyja patrabavańni da ich upakoŭki, zabaronieny prodaž tytuniovych vyrabaŭ asobam da 18 hadoŭ i kureńnie ŭ šerahu hramadskich miescaŭ.
Z 1 lipienia budzie zabaronienaja imitacyja źniešniaha vyhladu tytuniovych vyrabaŭ i vykarystańnie ich najmieńniaŭ pry vytvorčaści tavaraŭ, jakija nie źjaŭlajucca tytuniovymi vyrabami.
«My spadziajemsia, što hety zakonaprajekt častkova zakranie i vytvorcaŭ elektronnych cyharet, — zaznačyła śpiecyjalist. — Heta značyć kali elektronnaja cyhareta budzie imitavać vyhlad tytuniovaha vyrabu, na jaje budzie raspaŭsiudžvacca zabarona na rekłamu».
«Z maja 2016 hoda nabudzie moc techničny rehłamient na tytuniovuju pradukcyju, zaćvierdžany Savietam Jeŭrazijskaj ekanamičnaj kamisijaj, — skazała Narojčyk. — U jaho budzie ŭniesienaje abaviazkovaje patrabavańnie dla ŭsich vytvorcaŭ cyharet — vypusk upakoŭki z raźmiaščeńniem na joj papiaredžańnia ab škodzie tytuniu, heta nadpisy i hrafičnyja vyjavy pamieram nie mienšym za 50% na piarednim i advarotnym bakach. Aprača taho, zhodna z techrehłamientam, nie dapuskajecca naniasieńnie na ŭpakoŭku kolkasnych pakazčykaŭ utrymańnia smały, nikacinu i monaaksidu vuhlarodu. Heta robicca dla taho, kab pakupnik nie ŭvodziŭsia ŭ zman mifam pra mienš i bolš škodnyja cyharety».
U miežach Savieta Jeŭrazijskaj ekanamičnaj kamisii raspracoŭvajecca dakumient ab zabaronie vytvorčaści i abarotu niekurylnych tytuniovych vyrabaŭ, pryznačanych dla smaktańnia.
U dapaŭnieńnie Narojčyk skazała, što akcyja «Biełaruś suprać tytuniu» zavieršycca 31 maja Suśvietnym dniom biez tytuniu, jaki sioleta pravodzicca pad devizam «Spynić niezakonny handal tytuniovymi vyrabami». Padčas akcyi pa krainie budzie praviedziena 35 infarmacyjna-adukacyjnych, kulturna-masavych i kulturna-azdaraŭlenčych mierapryjemstvaŭ u škołach, kaledžach i VNU.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy7
Kamientary