«My padrychtujem taki varyjant dekłaracyi samitu, jaki zadavolić usich».
Pra heta zajaviŭ jeŭrakamisar pa jeŭrapiejskaj palitycy susiedstva i pieramovach pa pašyreńni Jochanies Chan 22 maja paśla prybyćcia na samit Uschodniaha partniorstva ŭ Nacyjanalnuju biblijateku Łatvii.
Pavodle jaho słoŭ, finalnaja dekłaracyja jašče abmiarkoŭvajecca, ale «ahulnaja pierśpiektyva zrazumiełaja». Na pytańnie, ci atrymałasia pieraadoleć roznahałośsi pa zhadvańni Kryma ŭ vynikovaj dekłaracyi, jeŭrakamisar paviedamiŭ, što pakul nie. «Ale ja nie budu rabić jakich-niebudź zajaŭ, tamu što delehacyi jašče viaduć pieramovy. Upeŭnieny, što da kanca dnia budzie farmuloŭka, jakaja zadavolić usich», — skazaŭ Chan.
Na ŭdakładniajučaje pytańnie, jak mahčyma pieraadoleć roznahałośsi pa Krymie, jon adkazaŭ: «Jość siakija-takija idei. Našy partniory pavinny zrazumieć, heta jak test pa pošuku kampramisu».
Jeŭrakamisar padkreśliŭ, što 28 krain ES užo navučylisia znachodzić kampramisy. «Zaraz heta pryjdziecca navučycca i šaści krainam. I jany da hetaha hatovyja», — ličyć jon.
Chan padkreśliŭ, što važna zastavacca adzinymi nastolki, nakolki heta mahčyma. «Ale ŭ našym pachodzie da partnioraŭ my pavinny vypracavać dyfierencyravany padychod da roznych krain. Jość ahulny intares — heta stabilnaść i roskvit u rehijonie. Heta toje, što abjadnoŭvaje roznyja krainy», — zajaviŭ jeŭrakamisar.
Kamientary