«Мы падрыхтуем такі варыянт дэкларацыі саміту, які задаволіць усіх».
Пра гэта заявіў еўракамісар па еўрапейскай палітыцы суседства і перамовах па пашырэнні Ёханес Хан 22 мая пасля прыбыцця на саміт Усходняга партнёрства ў Нацыянальную бібліятэку Латвіі.
Паводле яго слоў, фінальная дэкларацыя яшчэ абмяркоўваецца, але «агульная перспектыва зразумелая». На пытанне, ці атрымалася пераадолець рознагалоссі па згадванні Крыма ў выніковай дэкларацыі, еўракамісар паведаміў, што пакуль не. «Але я не буду рабіць якіх-небудзь заяў, таму што дэлегацыі яшчэ вядуць перамовы. Упэўнены, што да канца дня будзе фармулёўка, якая задаволіць усіх», — сказаў Хан.
На ўдакладняючае пытанне, як магчыма пераадолець рознагалоссі па Крыме, ён адказаў: «Ёсць сякія-такія ідэі. Нашы партнёры павінны зразумець, гэта як тэст па пошуку кампрамісу».
Еўракамісар падкрэсліў, што 28 краін ЕС ужо навучыліся знаходзіць кампрамісы. «Зараз гэта прыйдзецца навучыцца і шасці краінам. І яны да гэтага гатовыя», — лічыць ён.
Хан падкрэсліў, што важна заставацца адзінымі настолькі, наколькі гэта магчыма. «Але ў нашым паходзе да партнёраў мы павінны выпрацаваць дыферэнцыраваны падыход да розных краін. Ёсць агульны інтарэс — гэта стабільнасць і росквіт у рэгіёне. Гэта тое, што аб'ядноўвае розныя краіны», — заявіў еўракамісар.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары