U Armenii raźbiŭsia biełaruski samalot. «Kanadyjan džet‑100‑M» kampanii «Biełavija» padčas uźlotu syšoŭ z pałasy, pierakuliŭsia niekalki razoŭ, uzarvaŭsia i raskałoŭsia na dźvie častki. Pasažyry i ekipaž vyžyli, jość paranienyja. U Departamencie pa avijacyi Ministerstva transpartu Biełarusi zdareńnie ź biełaruskim samalotam u Jerevanie kamentavać admovilisia.
Usie 18 pasažyraŭ i členy ekipažu samalota, jaki pieraviarnuŭsia ŭ aeraporcie Jerevana, žyvyja. Samalot musiŭ lacieć pa maršrucie Jerevan‑Miensk. Načalnik Hałoŭnaj upravy hramadzkaj avijacyi Armienii Arciom Maŭsisian paviedamiŭ, što jość paranienyja.
Pavodle papiaredniaj infarmacyi načalnika HUHA, samalot kampanii «Biełavija» «CRJ‑100‑M» rejsu V2‑1834 padčas uźlotu syšoŭ z pałasy. Zatym samalot pierakuliŭsia niekalki razoŭ, hrymnuŭ vybuch i adnačasova pačaŭsia pažar. Samalot raskałoŭsia na dźvie častki. Słužba ratavańnia, pažarnaja słužba i chutkaja dapamoha aeraportu zreahavali imhnienna.
«Dziakujučy ich umiełym dziejańniam usie 18 pasažyraŭ, a taksama 3 členy ekipažu byli vyniesieny z ahniu», — skazaŭ Maŭsisian.
Katastrofa ŭ Jerevanskim aeraporcie adbyłasia ŭ 4:15 ranicy pa jerevanskim časie (2:15 pa mienskim).
Pavodle infarmacyi ArmInfo, u suviazi katastrofaj samalota kampanii «Biełavija» Jerevanski aeraport «Zvartnoc»
Stali viadomyja imiony ŭsich 18 pasažyraŭ: Jeremian Suren, Jeremian Jepraksija, Jerycian Ściepan, Vardapiecian Spartak, Manukian Sanasar, Uładzimier Akopaŭ, Mamian Andranik, Cevanian Sasun, Chačaturan Lijana, Makaran Ara, Avahian Ašot, Badalan Dyjana, Avaniesian Eduard, Avaniesian Ryma, Babajan Eryk, Kirakasian Albert, Zakarian Vahie, Ambarcumian Sałbi. Rejsam lacieli hramadzianie Armenii, Biełarusi, Hruzii, Rasiei i Ŭkrainy.
U bolnicy byli dastaŭlenyja adzinaccać čałaviek z ranieńniami roznaj stupieni ciažkaści, šeść ź ich užo vypisanyja.
Specyjalisty Ministerstva transpartu, departamentu i avijakampanii «Biełavija» nakiroŭvajucca ŭ Jerevan dla ŭdziełu ŭ raśśledavańni pryčynaŭ avaryi.
Pa fakcie avijakatastrofy Hałoŭnaja śledčaja ŭprava palicyi Armenii ŭzbudziła kryminalnuju spravu.
Armianskija specyjalisty raspačali rasšyfroŭku «čornych skryniaŭ». Načalnik Hałoŭnaj upravy hramadzkaj avijacyi Armenii Arciom Maŭsisian paviedamiŭ, što na dapamohu buduć paklikanyja kanadzkija i biełaruskija admysłoŭcy, bo armianskija specyjalisty niedastatkova znajomyja z dadzienaj markaj samalota. Jon adznačyŭ taksama, što papiaredniaja medekspertyza nie vyjaviła ŭ kryvi pilotaŭ alkaholu.
Avijakampanija «Biełavija» stvaryła štab dla kaardynacyi suviazi z rodnymi i blizkimi paciarpiełych (telefony ŭ Biełarusi: +375‑17‑279‑1151, +375‑17‑328‑65‑14; u Armenii: + 374‑10‑577‑474).
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary