Z davoli aryhinalnaj prapanovaj vystupiŭ deputat Viarchoŭnaj Rady Ukrainy ad błoka Julii Cimašenki Valancin Zubaŭ.
‑ Patłumačcie, kali łaska, svaju pazicyju.
‑ Ja cudoŭna viedaju prablemu NATO. Razumieju jaje značeńnie dla Rasii, Ukrainy i Biełarusi. Ale ž i razumieju, što ŭ našaj, naprykład, krainie heta prablema nosić bolš śpiekulatyŭny charaktar, čymści charaktar realnaj pahrozy słavianskim krainam. Nieadnarazova davodziłasia havaryć na hetuju temu i ŭ zali pasiedžańniaŭ Rady i ŭ Kamitecie pa nacyjanalnaj biaśpiecy i abaronie. Ja pracuju ŭ hetym kamitecie dziesiać hod. Ja historyk, sacyjołah, palitołah. Cudoŭna viedaju historyju stvareńnia i transfarmacyi NATO.
Upeŭnieny: hetuju prablemu možna lohka vyrašyć, arhanizavaŭšy sumiesnaje ŭstupleńnie ŭ NATO našych troch krainaŭ. Z tym, kab ustupiŭšy tudy jak paŭnapraŭnyja siabry, pieraŭtvaryć jaje ŭ novuju kalektyŭnuju sistemu kalektyŭnaj biaśpieki. Kab Ukraina, Rasija, Biełaruś byli nie tolki paŭnavartasnymi siabrami, ale i aktyŭna ŭdzielničali ŭ stvareńni vajskova‑pramysłovaj bazy NATO. Pierachod na nataŭskija standarty, jaki dyktujecca ŭsim jeŭrapiejskim i byłym sacyjalistyčnym krainam, na moj pohlad, pamyłkovaja pazicyja. I pamyłka hetaja vielmi surjoznaja. Z hledžańnia ekanamičnaj stratehii tyja, chto ŭznačalvaje NATO, i tyja, chto byccam by staić u baku, cudoŭna razumiejuć, što nabyvajučy novych siabroŭ NATO, jany dajuć novy impuls dla stvareńnia novych vidaŭ uzbrajeńnia. Ja hłyboka pierakanany, što i Ukraina, i Rasija, i Biełaruś majuć ułasny vajenny patencyjał, admaŭlacca ad raźvićcia jakoha jany prosta nie majuć prava.
‑ Uličvajučy staŭleńnie da NATO z boku kiraŭnictva Rasii i Biełarusi, nakolki vam padajecca realnym ažyćciaŭleńnie hetaj idei?
‑ Ja nie viedaju, nakolki aktyŭnym źjaŭlajecca supracoŭnictva Biełarusi z NATO, ale što datyčyć supracoŭnictva z NATO Ukrainy i Rasii, to jano ciahniecca bolš za 15 hod. I davoli ciesnaje. U hetym jość palityčny sens, pakolki jość šmat prablemaŭ, jakija patrabujuć kalektyŭnaha vyrašeńnia. Toj ža teraryzm. Usie pryznajuć, što ŭ śviecie šmat čaho pamianiałasia, i byłyja sacyjalistyčnyja krainy ŭvachodziać u NATO. Dyk kali my nie možam hety praces spynić, treba jaho ŭznačalić. Mienavita heta ja prapanuju. A šaniec dla hetaha jość.
‑ A kali ŭsio ž kiraŭniki Rasii i Biełarusi admoviacca ad ustupleńnia ŭ NATO?
‑ Ja kateharyčny praciŭnik samastojnaha ŭstupleńnia. Jak tolki my ŭstupim u NATO biez vas, vajenna‑pramysłovy kompleks budzie razburany, a heta pahražaje biaśpiecy Ukrainy. Kali ž ustupajem utroch, to ŭsio mianiajem.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary