Najbujniejšuju ŭkrainskuju naftahazazdabyŭnuju kampaniju «Ukrnafta» ŭznačaliŭ brytaniec Mark Rolinz, jaki ŭ ciapierašni čas kiruje kampanijaj «Bi Džy Kazachstan».
Rašeńni ab pryznačeńni brytanca prezidentam kampanii było pryniata ŭ sieradu na ahulnym schodzie, jaki adbyŭsia ŭ centralnym ofisie «Ukrnafty» ŭ Kijevie.
Raniej byli daterminova spynienyja paŭnamoctvy papiaredniaha staršyni praŭleńnia «Ukrnafty», bielhijca Piciera Vanchiekie.
U pačatku lipienia ŚMI sa spasyłkaj na krynicy paviedamlali, što «Ukrnaftu» moža ŭznačalić zasnavalnik kampanii «Jeŭrasieć» Jaŭhien Čyčvarkin.
U intervju Bi-bi-si Čyčvarkin paćvierdziŭ, što byŭ naminavany na pasadu prezidenta «Ukrnafty» i raspavioŭ, što sustrakaŭsia z premjer-ministram Ukrainy Arsienijem Jacaniukom.
50% plus adna akcyja «Ukrnafty» naležać kampanii «Naftahaz Ukrainy». Kala 42% akcyj kampanii kantralujuć kampanii hrupy «Pryvat» miljardera i eks-hubiernatara Dnieprapiatroŭskaj vobłaści Ihara Kałamojskaha.
Kałamojski, kamientujučy paviedamleńni ŚMI ab mahčymym pryznačeńni na pasadu kiraŭnika kampanii Čyčvarkina, skazaŭ, što, pavodle jaho dadzienych, u śpis kandydataŭ uvajšli tolki dva čałavieki — hramadzianie Vialikabrytanii.
«Ja nie viedaju, jak tam moh źjavicca Čyčvarkin. Nakolki mnie viadoma, konkursnaja kamisija ŭčora vyznačyłasia z dvuma finalistami, i Čyčvarkina siarod ich niama», — skazaŭ tady Kałamojski haziecie «Ukrainskaja praŭda».
«Ukrnafta» była ŭtvoranaja ŭ 1994 hodzie i źjaŭlajecca najbujniejšaj nafta-i hazazdabyŭnoj kampanijaj Ukrainy. Na jaje dolu prypadaje bolšaja častka vytvorčaści zvadkavanaha hazu ŭ krainie.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary