Mahiloŭski abłvykankam: Vierš «Klevietnikam Rośsii» na pomnik nie vierniem

Namieśnik staršyni Mahiloŭskaha abłvykankama Valeryj Małaška daŭ adkaz dziejaču ruskaha rucha Biełarusi, vićbiču Andreju Hieraščanku, čamu ź biusta Puškina ŭ Mahilovie była demantavanaja plita z uryŭkam ź vierša «Klevietnikam Rośsii».

Pavialičyć

Małaška piša: «Sapraŭdy, radki ź vierša A.S.Puškina «Klevietnikam Rośsii» ŭ XIX stahodździ mieli prosty sens i byli adkazam paeta na pahrozy Rasii z boku Zachadu.

U sučasnaj situacyi, z ulikam isnavańnia suvierennych dziaržaŭ: Rasijskaj Fiederacyi i Respubliki Biełaruś, pry najaŭnaści na ich hramadska-palityčnym poli roznapłanavych hramadskich arhanizacyj, jakija pradstaŭlajuć intaresy hrup nasielnictva z roznymi ideałahičnymi pohladami, jakija niemahčyma nie ŭličvać, dadzienyja radki mahli atrymać roznuju ideałahičnuju interpretacyju, nie adekvatnuju aficyjnaj pazicyi.

U suviazi z čym, a taksama na padstavie vodhukaŭ, jakija źjavilisia ŭ internecie na ŭstanoŭku pomnika, kiraŭnictvam harvykankama było dadziena ŭkazańnie pa źmienie vyhladu pastamienta, na žal, heta było vykanana u dzień dziaržaŭnaha śviata Rasijskaj Fiederacyi i nie mieła antyrasijskaj skiravanaści».

Biust Alaksandru Puškinu byŭ ustalavany la biblijatečnaha kaledža ŭ Mahilovie ŭ pačatku červienia. Heta byŭ padarunak ad hramadskaj arhanizacyi «Aleja rasijskaj słavy». Paśla ŭstalavańnia ludzi ŭhledzielisia, što na pastamiencie raźmieščanyja radki, jakija siońnia hučać prynamsi pravakacyjna:

…Il nam s Jevropoj sporiť novo?
Il russkij ot pobied otvyk?..
…Stalnoj ŝietinoju śvierkaja,
Nie vstaniet russkaja ziemla?..
Tak vysyłajtie ž k nam, vitii,
Svoich ozłoblennych synov:
Jesť miesto im v polach Rośsii,
Sriedi niečuždych im hrobov…

Adrazu paśla hetaha ŭ internecie pačała źjaŭlacca niehatyŭnaja reakcyja. Naprykład, litaraturaznaŭca-puškinist Alaksandr Fiaduta nazvaŭ raźmiaščeńnie hetaha vierša «nietaktoŭnym».

Užo praz tydzień paśla ŭstalavańnia haradskija ŭłady pryniali rašeńnie prybrać šyldu ź vieršam z pomnika.

Prarasijskija arhanizacyi Biełarusi rascanili hety krok jak varožy. Udzielniki prarasijskaj kanfierencyi ŭ Minsku navat źviarnulisia da ministra kultury Barysa Śviatłova.

«Biesprecedentny vypadak, jaki adbyŭsia ŭ Mahilovie, pobač ź jakim haśnie pavalnaje źniščeńnie pomnikaŭ savieckaj epochi va Ukrainie, užo nanios vielizarny maralny ŭron miljonam biełaruskich hramadzian», — napisana ŭ zvarocie.

Na adkaz Mahiloŭskaha abłvykankama adreahavaŭ jašče adzin prarasijski dziejač Biełarusi Siarhiej Šyptenka, jaki adkazaŭ hetak:

Pavialičyć

«Miestačkovaja śviadomaść nievuka nieprykmietna pierarastaje ŭ kałhasny sadyzm i pravincyjny vandalizm. […] Moža być, para viarnucca da vybarnaści ŭłady? Moža być, para pierastać raskidvacca miedalami Puškina? Moža być, chopić marnavać hrošy rasiejskich padatkapłacielščykaŭ na padtrymku vajaŭničaha abskurantyzmu ŭ susiedniaj, farmalna sajuznaj respublicy, a na abaronu našaj ahulnaj kulturnaj spadčyny? Škada, što niehatyŭnyja pracesy ŭ Biełarusi nie ŭdastoilisia naležnaj uvahi z boku RAN, šmatlikich NDA. Jak by nie pravaronili Biełaruś śledam za Ukrainaj».

• 0
• 0
• 0
• 0
• 0
• 0