U samoha bujnoha pa pamiery statutnaha kapitału biźniesu, stvoranaha biełaruskimi hramadzianami ŭ Łatvii, źmianiŭsia ŭłaśnik.
Pavodle dadzienych statystyčnaha resursu Lursoft.lv, u minułym miesiacy ŭ kampaniju Baltintrade, jakaja zajmajecca pa kłasifikatary akazańniem finansavych pasłuh, inviestavała kiprskaja firma Eskydex Limited. Ździełka ŭvajšła ŭ top-35 najbujniejšych u hetym hodzie.
Pavodle dadzienych z resursu Eskydex Limited inviestavaŭ u statutny fond Baltintrade 2.314.410 jeŭra. Hety abjom supadaje z sumaj dvuch inviestycyj, jakija zrabili na parytetnych umovach dźvie papiarednija ŭładalnicy Baltintrade — hramadzianki Biełarusi Aksana Kaleśnik i Lijana Asnoŭskaja.
Paśla taho, jak u pačatku 2015 vyjšaŭ z kapitału budaŭničaj kampanii RBS Skals jašče adzin biełaruski inviestar u Łatvii Valeryj Azamataŭ, inviestycyi ŭ Baltintrade byli samym bujnym układańniem biełarusaŭ u łatvijskija biźniesy.
Eskydex Limited zarehistravanaja na Kipry, chto staić za hetaj kampanijaj — nieviadoma.
Kamientary