У самога буйнога па памеры статутнага капіталу бізнесу, створанага беларускімі грамадзянамі ў Латвіі, змяніўся ўласнік.
Паводле дадзеных статыстычнага рэсурсу Lursoft.lv, у мінулым месяцы ў кампанію Baltintrade, якая займаецца па класіфікатары аказаннем фінансавых паслуг, інвеставала кіпрская фірма Eskydex Limited. Здзелка ўвайшла ў топ-35 найбуйнейшых у гэтым годзе.
Паводле дадзеных з рэсурсу Eskydex Limited інвеставаў у статутны фонд Baltintrade 2.314.410 еўра. Гэты аб'ём супадае з сумай двух інвестыцый, якія зрабілі на парытэтных умовах дзве папярэднія ўладальніцы Baltintrade — грамадзянкі Беларусі Аксана Калеснік і Ліяна Асноўская.
Пасля таго, як у пачатку 2015 выйшаў з капіталу будаўнічай кампаніі RBS Skals яшчэ адзін беларускі інвестар у Латвіі Валерый Азаматаў, інвестыцыі ў Baltintrade былі самым буйным укладаннем беларусаў у латвійскія бізнесы.
Eskydex Limited зарэгістраваная на Кіпры, хто стаіць за гэтай кампаніяй — невядома.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары