Kryminalnaja sprava za pahrozu zabojstvam raspačataja ŭ dačynieńni da žychara Hrodna.
Jak paviedamlaje UUS Hrodzienskaha abłvykankama, niekalki dzion tamu žycharka abłasnoha centra vyklikała milicyju z-za kanfliktu z mužam. Apieratyŭniki vyjechali na miesca i vyjavili, što ŭ žančyny na šyi ślady ran ad zadušvańnia. U chodzie dalejšaha rasśledavańnia vyśvietlilisia novyja akaličnaści zdareńnia.
Dniom raniej muž pryjšoŭ z pracy dadomu pjanym. Na hetaj hlebie paŭstaŭ kanflikt. Mužčynu aburyła niezadavolenaść žonki, i jon staŭ spahaniać złość na joj. Padčas kanfliktu žančyna vybiehła na bałkon, dzie stała kryčać ab dapamozie. Kryki jašče bolš razzłavali muža, i jon staŭ prymianiać fizičnuju siłu. Mužčyna sprabavaŭ zadušyć žančynu i vykinuć jaje z bałkona, ale, zrabić heta ŭ jaho nie atrymałasia. Kanflikt skončyŭsia niaznačnymi paškodžańniami dla žonki.
Jak vyśvietliłasia, u 2009 hodzie mužčyna ŭžo byŭ sudzimy za chulihanstva. Praŭda, sudzimaść ŭžo pahašanaja i na ŭliku jon nie znachodziŭsia. Paśla kanfliktu miera strymańnia ŭ dačynieńni da niadbajnaha siemjanina nie abirałasia. Apieratyŭniki acanili dziejańni mužčyny jak pahrozu zabojstvam. Zhodna z artykułam 186 KK za dadzienaje pravaparušeńnie jamu pahražaje pazbaŭleńnie voli na termin da dvuch hadoŭ.
Ciapier čytajuć
U Varšavu pryjechała sotnia biełaruskich palitviaźniaŭ15
Kamientary