Niezadavolenaść čynoŭnika vyklikała novaja halivudskaja kinastužka «Misija nievykanalnaja: plemia izhojaŭ».
Pra heta kiraŭnik BT zajaviŭ u prahramie «Kłub redaktaraŭ» na telekanale «Biełaruś 1», paviedamlaje «Jevroradio».
Častka dziejańnia filma nibyta adbyvajecca ŭ Miensku, adkul złačynny sindykat płanuje zadziejničać niebiaśpiečnuju zbroju. Hienadź Davydźka zajaviŭ, što jaho aburaje takoje ŭjaŭleńnie Biełarusi ŭ mastackim filmie.
Inšyja ŭdzielniki prahramy prapanavali nie pikietavać kinateatry, a stvarać biełaruskija filmy, jakija pakazvali b našu krainu z pazityŭnaha boku.
Dziejańnie stužki «Misija nievykanalnaja: plemia izhojaŭ» pačynajecca ŭ Biełarusi. Ahienty sakretnaj słužby sprabujuć praniknuć na bort samalota, jaki voś-voś uźlacić z vajskovaha aeradroma ŭ Minsku. Pakul naparnik pry dapamozie ajpada sprabuje ŭzłamać rasiejskamoŭnuju sistemu kiravańnia i adamknuć dźviery, ahient Itan Chant (Tom Kruz) na ŭźlocie čaplajecca za kryło, adkul pieraskokvaje ŭ bahažny adsiek. Tam znachodzicca partyja chimičnaj zbroi, jakuju adpravili ź Minska ŭ Damask. Śpiecahientu ŭdajecca spynić pierasyłku niebiaśpiečnaha hruzu.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary