Pad Pinskam u darožna-transpartnym zdareńni zahinuła hramadzianka Polščy. Avaryja ź ciažkimi nastupstvami zdaryłasia 29 žniŭnia prykładna ŭ 20.45 na 395-m km aŭtadarohi M10 Kobryn — Homiel — miaža RF.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, 45-hadovaja hramadzianka Polščy, jakaja kiravała «Reno-Miehanam», ź`iechała ŭ pravy pa chodzie ruchu kiuviet, dzie aŭtamabil pierakuliŭsia. Pavodle papiarednich źviestak, aŭtamabilistka nie spraviłasia z kiravańniem.
U transpartnym srodku znachodziłasia piać čałaviek. Usie jany — hramadzianki Polščy, žycharki horada Rava-Mazaviecka.
Na miescy avaryi zahinuła 18-hadovaja pasažyrka «Reno». Jašče dźvie pasažyrki (45-hadovaja žančyna i 14-hadovaja dziaŭčynka) z traŭmami dastaŭlenyja ŭ balnicu.
Vadziciel aŭtamabila i pasažyrka, jakaja jechała na piarednim pasažyrskim siadzieńni, nie paciarpieli.
Raspačataja sprava na padstavie č. 2 art. 317 KK (parušeńnie praviłaŭ darožnaha ruchu, jakoje paciahnuła pa nieaściarožnaści śmierć čałavieka).
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary