Perspektyvy ŭzajemaadnosinaŭ Biełarusi z ES buduć zaležać ad samastojnaści zamiežnaj palityki Eŭrasajuzu ad ZŠA. Ab hetym siońnia zajaviŭ A. Łukašenka ŭ časie sustrečy z hrupaj brytanskich biznesoŭcaŭ.
Pierśpiektyvy ŭzajemaadnosin Biełarusi ź ES buduć zaležać ad samastojnaści źniešniaj palityki Jeŭrasajuza ad ZŠA. Ab hetym siońnia zajaviŭ Alaksandr Łukašenka ŭ čas sustrečy ŭ Minsku z hrupaj brytanskich biźniesmienaŭ na čale z členam Pałaty łordaŭ parłamienta Vialikabrytanii Siesiłam Parkinsanam, što znachodzicca ŭ našaj krainie z pryvatnym vizitam.
«Nie dumaju, što ŭ Vialikabrytanii jość jakija-niebudź pretenzii da Biełarusi ŭ palityčnym płanie, — skazaŭ jon. — U nas da Złučanaha Karaleŭstva ich niama adnaznačna». Jon dadaŭ: «Što datyčyć adnosinaŭ ź ES, to, liču, u Jeŭrasajuzie pravilna ŭśviedamlajuć rolu Biełarusi ŭ Jeŭropie».
«Na žal, pierśpiektyvy adnosin Biełarusi ź Jeŭrasajuzam nie lažać vyklučna ŭ płoskaści Jeŭropa - Biełaruś», — uvažaje Łukašenka. «Biełaruś nikoli nie padvodziła Jeŭropy. I my chacieli b adpaviednaha staŭleńnia da nas», — adznačyŭ jon.
Na dumku kiraŭnika dziaržavy, pryjezd brytanskaj delehacyi jak pradstaŭnikoŭ jeŭrapiejskaj elity vielmi značny ŭ płanie dyjałoha Biełarusi z Zachadam. A Vialikaja Brytanija ŭ pierśpiektyvie moža stać viadučym inviestaram dla ekanomiki Biełarusi, takuju dumku vykazaŭ jon. «Chaču zapeŭnić vas, što ŭsio, ab čym my z vami damovimsia, budzie vykanana niaŭchilna. Usie damoŭlenaści buduć vykanany, i ŭ samyja karotkija terminy», — padkreśliŭ A. Łukašenka.
«Što da palityki, to mnie zdajecca, što ekanomika vyznačaje ŭsio. Tamu ŭpeŭnieny, što ŭśled za stabilnym raźvićciom ekanamičnaha dyjałohu my naładzim dobry palityčny dyjałoh».
Łord Parkinsan u svaju čarhu skazaŭ: «Vialikabrytanija stavicca da svaich abaviazkaŭ vielmi surjozna i, kali my dali naša słova, my jaho strymajem». «Ja spadziajusia, što brytanski ŭrad uśviedamlaje hetuju adkaznaść», - dadaŭ jon.
Parkinsan, praŭda, padkreśliŭ, što vykazvaje vyklučna svaju ŭłasnuju dumku, a jahony vizyt u Miensk nosić pryvatny charaktar. Parkinsan nia tolki nia maje paŭnamoctvaŭ reprezentavać aficyjny punkt hledžańnia Londana, ale navat mierkavańnie brytanskaha parlamentu.
Pradstaŭniki brytanskaj ambasady ŭ Miensku paćvierdzili, što vizyt łorda Parkinsana nosić vyklučna pryvatny charaktar.
-
Prapahandysty pakazali mocna schudniełaha Vasila Vieramiejčyka
-
Stała viadoma, chto atrymaŭ žyllo ŭ «sakretnym» domie pad Drazdami. Siarod ich — siłavik, jaki «vyznačyŭsia» ŭ 2020 hodzie
-
Daktary z Ukrainy i Biełarusi ź ciažkaściu zdajuć polski miedycynski ekzamien. Praŭda, palaki z zamiežnym dypłomam spraŭlajucca nie lepš
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary