Kancler Hiermanii Anhieła Mierkiel zaklikała pravieści na nastupnym tydni terminovuju sustreču 28 kiraŭnikoŭ uradaŭ i dziaržaŭ Jeŭrasajuza ŭ suviazi z rezka pahoršałaj situacyj ź mihrantami, što praciahvajuć prybyvać u Jeŭropu.
Paśla sustrečy z kancleram Aŭstryi Viernieram Fajmanam Mierkiel zajaviła, što hetaja prablema moža być vyrašana tolki sumiesnymi namahańniami ŭsich krain ES.
Napiaredadni ministry ŭnutranych spraŭ krain — členaŭ ES na ekstranaj sustrečy ŭ Bruseli nie zmahli ŭzhadnić kvoty krain pa pryjomie biežancaŭ. Havorka na sustrečy išła ab raźmierkavańni 120 tysiač biežancaŭ pamiž krainami Jeŭrasajuza.
Francyja i Hiermanija nastojvali na ćviordych damoŭlenaściach ab kolkaści i terminach pryjomu biežancaŭ. Praciŭniki ŭviadzieńnia kvot ličać, što jany pryviaduć tolki da jašče bolšaha napłyvu biežancaŭ u Jeŭropu.
Ministr unutranych spraŭ Hiermanii Tomas de Meźjer zajaviŭ u aŭtorak, što padtrymlivaje namiery staršyni Jeŭrakamisii Žan-Kłoda Junkiera akazać cisk na krainy ES, jakija vystupajuć suprać kvot na pryjom biežancaŭ.
U pryvatnaści, havorka moža iści ab skaračeńni finansavaj padtrymki Brusielem tych krain — členaŭ Jeŭrasajuza, jakija admaŭlajucca supracoŭničać pa hetaj prablemie.
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary