Канцлер Германіі Ангела Меркель заклікала правесці на наступным тыдні тэрміновую сустрэчу 28 кіраўнікоў урадаў і дзяржаў Еўрасаюза ў сувязі з рэзка пагоршалай сітуацый з мігрантамі, што працягваюць прыбываць у Еўропу.
Пасля сустрэчы з канцлерам Аўстрыі Вернерам Файманам Меркель заявіла, што гэтая праблема можа быць вырашана толькі сумеснымі намаганнямі ўсіх краін ЕС.
Напярэдадні міністры ўнутраных спраў краін — членаў ЕС на экстранай сустрэчы ў Брусэлі не змаглі ўзгадніць квоты краін па прыёме бежанцаў. Гаворка на сустрэчы ішла аб размеркаванні 120 тысяч бежанцаў паміж краінамі Еўрасаюза.
Францыя і Германія настойвалі на цвёрдых дамоўленасцях аб колькасці і тэрмінах прыёму бежанцаў. Праціўнікі ўвядзення квот лічаць, што яны прывядуць толькі да яшчэ большага наплыву бежанцаў у Еўропу.
Міністр унутраных спраў Германіі Томас дэ Мэзьер заявіў у аўторак, што падтрымлівае намеры старшыні Еўракамісіі Жан-Клода Юнкера аказаць ціск на краіны ЕС, якія выступаюць супраць квот на прыём бежанцаў.
У прыватнасці, гаворка можа ісці аб скарачэнні фінансавай падтрымкі Бруселем тых краін — членаў Еўрасаюза, якія адмаўляюцца супрацоўнічаць па гэтай праблеме.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары