Prakuratura Minskaj vobłaści sankcyjanavała ŭziaćcie pad vartu dyrektara AAT «Višniaviecki-ahra», paviedamiła staršy pamočnik prakurora vobłaści Łarysa Parchimovič.
Nahadajem, padčas apieratyŭna-vyšukovych mierapryjemstvaŭ 15 vieraśnia hetaha hoda supracoŭnikami UBEZ UUS Minabłvykankama sumiesna z hrupaj BEZ Kleckaha RAUS z dokazami złačynstva, pry atrymańni chabaru, byŭ zatrymany kiraŭnik sielskahaspadarčaha pradpryjemstva Staŭbcoŭskaha rajona. Jon vymahaŭ i atrymaŭ chabar u 20 tys. dołaraŭ ZŠA ad namieśnika kiraŭnika adnoj ź fiermierskich haspadarak za zaklučeńnie pamiž zhadanymi subjektami haspadarańnia dahavora arendy ziamiel sielskahaspadarčaha pryznačeńnia na terytoryi Staŭbcoŭskaha rajona dla vyroščvańnia bulby i za vykanańnie ŭmoŭ zhadanaha dahavora ŭ častcy zabieśpiačeńnia realizacyi pravoŭ fiermierskaj haspadarki pa vykarystańni ziamli ŭ adpaviednaści z umovami pradastaŭleńnia.
Piacidziesiacipiacihadovy žychar Kleckaha rajona padazrajecca va ŭčynieńni złačynstva, praduhledžanaha č. 3 art. 430 KK (atrymańnie chabaru ŭ asabliva bujnym pamiery).
Papiaredniaje rasśledavańnie pa kryminalnaj spravie pravodzicca ŭpraŭleńniem Śledčaha kamiteta pa Minskaj vobłaści.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary