Volkswagen pryznaŭsia, što falsifikavaŭ vyniki testaŭ svaich mašyn. Audi taksama ŭciahnutyja
Akcyi niamieckaha aŭtamabilnaha hihanta Volkswagen AG upali amal na 16% u pačatku tarhoŭ ŭ Frankfurcie na fonie skandału pra padrobku dadzienych testaŭ na vykidy škodnych hazaŭ u atmaśfieru. Pra heta paviedamlaje VVS.
Kampanija pryznałasia ŭ falsifikacyi dadzienych na minułym tydni paśla rasśledavańnia amierykanskaha Ahienctva pa achovie navakolnaha asiarodździa, pryniesła prabačeńni i pačała ŭnutranaje rasśledavańnie. Padrobka vynikaŭ testavańnia zakranuła kala paŭmiljona mašyn z dyzielnymi ruchavikami ŭ ZŠA.
Volkswagen spyniŭ prodažy niekalkich madelaŭ aŭtamabilaŭ 2015 i 2016 madelnaha šerahu, ale adklikać ich pakul nie płanuje.
Nizkija vykidy parnikovych hazaŭ u atmaśfieru byli adnym z asnoŭnych punktaŭ rekłamnaj kampanii Volkswagen i mahli stać pryčynaj taho, što niamieckamu hihantu ŭdałosia abyści pa prodažach aŭtamabili kancerna Toyota.
Ciapier kampanii pahražaje štraf za kožnuju mašynu, jakoj datyčycca falsifikacyja, što ŭ sumie moža składać kala $18 młrd.
U skandał uciahnutyja taksama mašyny Audi. Śledam za ZŠA svajo rasśledavańnie raspačała Paŭdniovaja Kareja.
Ciapier čytajuć
Andrej Švied, architektar represij, pryznačany staršynioj Viarchoŭnaha suda4
Kamientary