Volkswagen прызнаўся, што фальсіфікаваў вынікі тэстаў сваіх машын. Audi таксама ўцягнутыя
Акцыі нямецкага аўтамабільнага гіганта Volkswagen AG упалі амаль на 16% у пачатку таргоў ў Франкфурце на фоне скандалу пра падробку дадзеных тэстаў на выкіды шкодных газаў у атмасферу. Пра гэта паведамляе ВВС.
Кампанія прызналася ў фальсіфікацыі дадзеных на мінулым тыдні пасля расследавання амерыканскага Агенцтва па ахове навакольнага асяроддзя, прынесла прабачэнні і пачала ўнутранае расследаванне. Падробка вынікаў тэставання закранула каля паўмільёна машын з дызельнымі рухавікамі ў ЗША.
Volkswagen спыніў продажы некалькіх мадэляў аўтамабіляў 2015 і 2016 мадэльнага шэрагу, але адклікаць іх пакуль не плануе.
Нізкія выкіды парніковых газаў у атмасферу былі адным з асноўных пунктаў рэкламнай кампаніі Volkswagen і маглі стаць прычынай таго, што нямецкаму гіганту ўдалося абысці па продажах аўтамабілі канцэрна Toyota.
Цяпер кампаніі пагражае штраф за кожную машыну, якой датычыцца фальсіфікацыя, што ў суме можа складаць каля $18 млрд.
У скандал уцягнутыя таксама машыны Audi. Следам за ЗША сваё расследаванне распачала Паўднёвая Карэя.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары