Niamiecki aŭtamabilny kancern Volkswagen pryznaŭ, što zajmaŭsia manipulacyjami z pakazčykami škodnych vykidaŭ mašyn nie tolki na amierykanskim, ale i na jeŭrapiejskim rynku.
Ministr transpartu FRH Alaksander Dobrynt zajaviŭ, što kancern pryznaŭ vinu i vykazaŭ hatoŭnaść da supracoŭnictva z uładami na čas rasśledavańnia.
Kolkaść mašyn, na jakija kancern mierkavana ustalavaŭ pryładu, što panižała abjom škodnych vykidaŭ u atmaśfieru, aceńvajecca ŭ 11 młn. Pry hetym pakul nie viadoma, kolki ź ich znachodzicca ŭ Jeŭropie.
Ministr taksama paabiacaŭ pravieści novyja testy. Pa słovach Dobrynta, ciapier ekśpiertyzy buduć pravodzicca nie ŭ łabaratoryjach, a prosta na darozie, što istotna ŭskładnić machlarstva.
Kiraŭnik niamieckaha mintransa dadaŭ, što vybaračnym testam padvierhnuć nie tolki pradukcyju Volkswagen, ale i mašyny, vyrablenyja inšymi niamieckimi aŭtavytvorcami.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary