Rahis prezientavaŭ KLIP «Hrej mianie» pra astranoma Viktara Małyščyca, jaki fatahrafuje zorki
Hurt Rahis prezientuje klip na pieśniu «Hrej mianie» z novaha alboma «Pamiž soncam i chmarami». U centry siužeta debiutnaha videa Rahis – viadomy biełaruski astranom-fatohraf Viktar Małyščyc.
Zornyja tajmłapsy Viktara Małyščyca, źniatyja im pa ŭsioj Biełarusi, źbirajuć dziasiatki tysiač prahladaŭ u siecivie i zachaplajuć charastvom biełaruskaj pryrody i zornaha nieba.
– Viktar vielmi blizki nam pa duchu i pohladam na svaju spravu. Uvieś svoj volny i pracoŭny čas jon hladzić kudyści na nieba i pakazvaje pryhažość, jakuju tak lohka moža ŭbačyć kožny, kali prosta padymie hałavu, ale jakaja zastajecca amal niezaŭvažanaj, – kaža aŭtar pieśni Dzianis Filipienka.
– Klip pra toje, što jość sens kožnamu z nas imknucca da zorak, u pramym i pieranosnym sensie. Pra toje, što lubyja ciažkaści žyćcia buduć pieraadoleny, kali jašče nie zhasła ŭnutry viera i kali serca praciahvaje sahravać nadzieja, – raspaviadaje pra svajo bačańnie klipu jaho hałoŭny hieroj Viktar Małyščyc.
Režysior videa – małady biełaruski klipmejkier Ihar Čyščenia. Zdymki prachodzili ciaham niekalkich viesnavych i letnich miesiacaŭ.
Kancertnaja prezientacyja novaha alboma Rahis «Pamiž soncam i chmarami» projdzie 22 kastryčnika ŭ LOFT CAFE (vuł. P. Broŭki, 22). Padrabiaźniej pra kancert u sacyjalnych sietkach: VK i FB.
-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Kamientary