Biełarusy ŭ noč z 27 na 28 vieraśnia mohuć nazirać poŭnaje zaćmieńnie Miesiaca
Nočču z 27 na 28 vieraśnia žychary Jeŭropy, Paŭnočnaj i Paŭdniovaj Amieryki, bolšaj častki Afryki i Azii mohuć nazirać jarkuju i redkuju astranamičnuju źjavu — poŭnaje zaćmieńnie «supiermiesiaca». Pra heta paviedamili ŭ Minskim płanietaryi.
«Supiermiesiacam» nazyvajecca źjava, kali Miesiac u fazie poŭni znachodzicca na bližejšaj adlehłaści ad Ziamli. Na hety raz vidovišča abiacaje stać asabliva pryhožym. Miesiac budzie na 14 pracentaŭ bolšy ŭ dyjamietry, na 30 pracentaŭ jarčejšy i aranžava-čyrvonaha koleru. Zaćmieńnie možna nazirać navat prostym vokam.
U noč z 27 na 28 vieraśnia ŭ 4.07 žychary Biełarusi zmohuć ubačyć, jak ziamny cień pačnie pavolna ahortvać Miesiac, u 5.11 Miesiac budzie poŭnaściu zakryty Ziamloj.
Pavodle dadzienych NASA, apošni raz zaćmieńnie «supiermiesiaca» fiksavałasia ŭ 1982 hodzie, nastupny raz paŭtorycca tolki ŭ 2033-m. U minułym stahodździ poŭnyja zaćmieńni adbyvalisia tolki piać razoŭ: u 1910, 1928, 1946, 1964 i 1982 hadach, tady jak zvyčajnaje miesiačnaje zaćmieńnie ŭ luboj kropcy Ziamli možna nazirać prykładna raz u 2,5 hoda.
Ciapier čytajuć
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary