ChatGPT naličyŭ na adnym sa zdymkaŭ z Płoščy Niezaležnaści 23 žniŭnia 2020 hoda 134 tysiačy čałaviek
Pytańniem, kolki ludziej vyjšła pratestavać u toj dzień, zadaŭsia žurnalist Dzianis Dudzinski.
«Pytańnie, jakoje cikaviła mianie jašče z 20-ha hoda: kolki čałaviek vychodziła na maršy? Sprabavaŭ pa fota ličyć uručnuju — składana. Ciapier jość ChatGPT. Ja ŭziaŭ fota, dzie z vyšyni bolš dakładna bačna kolkaść ludziej i ŭ kadry maksimalnaja terytoryja.
Dyk voś, pavodle padlikaŭ ŠI, na płoščy Niezaležnaści (Lenina) u Minsku 23 žniŭnia 2020 hoda adnačasova (!), nie ličačy prylehłych vulic, było 134 000 čałaviek! Heta šmat. Heta vielmi-vielmi šmat. Heta kapiec jak šmat», — napisaŭ Dzianis Dudzinski.
Treba zaznačyć, što akcyja 23 žniŭnia 2020 hoda prachodziła pa tradycyjnaj u tyja tydni schiemie. Vialikaja hrupa sabrałasia na Płoščy Niezaležnaści, a potym vialikaja kolkaść demanstrantaŭ rušyła, jak i 16 žniŭnia, da Steły, a potym pajšła da Pałaca Niezaležnaści, adkul ich adcisnuli siłaviki. Inšaja častka pajšła praśpiektam da płoščy Jakuba Kołasa.
Mienavita ŭ hety dzień Łukašenka ablataŭ Minsk na viertalocie i źjaviŭsia z aŭtamatam kala Pałaca.
U toj ža dzień šmattysiačnyja akcyi pratestu prajšli taksama ŭ dziasiatkach inšych haradoŭ Biełarusi.
Kamientary