Minadukacyi Biełarusi ŭ bližejšy čas praanalizuje arhanizacyju adukacyjnaha pracesu pa fizičnaj kultury. Pra heta zajaviła načalnik upraŭleńnia ahulnaj siaredniaj adukacyi Minadukacyi Śviatłana Uklejka padčas anłajn-kanfierencyi na temu «Rola nastaŭnika ŭ sučasnym hramadstvie» na sajcie BiełTA.
«U nas siońnia dva ŭroki fizkultury i adna hadzina zdaroŭja i sportu. Apošni ŭviedzieny niekalki hadoŭ tamu, kab pavysić ruchalnuju aktyŭnaść. Heta mahčymaść pahulać, navučycca hulać u valejboł, baskietboł, choć hetyja elemienty jość i ŭ navučalnaj prahramie. Što tyčycca samoha ŭroka fizičnaj kultury, nie chavaju:
razmovy ab tym, što hety pradmiet treba zrabić biezacenačnym, iduć daŭno i tema dosyć burna abmiarkoŭvajecca ŭ nas i ŭ Ministerstvie sportu i turyzmu. Pakul my nie pryjšli da kančatkovaj dumki», — skazała Śviatłana Uklejka.
Načalnik upraŭleńnia taksama prakamientavała situacyju, kali školniki, majučy padrychtoŭčuju hrupu, naroŭni z usimi zdajuć narmatyvy.
«Kali ŭ dziciaci padrychtoŭčaja hrupa, heta aznačaje, što peŭnyja vidy dziejnaści jon prosta nie pavinien vykonvać. Adpaviedna ŭ nastaŭnika ŭ abaviazkovym paradku pavinny być źviestki ab stanie zdaroŭja navučencaŭ. Dzicia nie zdaje peŭnyja narmatyvy ŭ zaležnaści ad zachvorvańnia. To bok, nie abaviazkova, što budzie zabaronieny bieh», — skazała Śviatłana Uklejka. Taksama jana adznačyła, što dzicia moža prabiehčy z toj siłaj, na jakuju dazvalaje jaho stan zdaroŭja, i jamu pastaviać nie 10, a 8. U hetym niama ničoha strašnaha, bo dziesiacibalnaja sistema praduhledžvaje adznaki ad 1 da 10, i jany ŭsie stanoŭčyja. «Napeŭna, prablemy ŭ hetym nijakaj niama», — skazała Śviatłana Uklejka.
«My ŭ bližejšy čas vielmi surjozna budziem analizavać hetaje pytańnie i vyvučać stan arhanizacyi adukacyjnaha pracesu pa fizičnaj kultury ŭ cełym pa krainie, abaviazkova da hetaha pytańnia jašče vierniemsia», — adznačyła načalnik upraŭleńnia.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ11
Kamientary