Aficer polskaj kontrvyviedki asudžany za vydaču infarmacyi biełaruskaj ahientcy
Prysud byŭ abvieščany ŭ paniadziełak. Słuchańnie prachodziła za začynienymi dźviaryma, ale frahmient pratakoła trapiŭ u rasparadžeńnie polskaj haziety «Rzeczpospolita».
Ź jaho vynikaje, što «III kryminalny adździeł akruhovaha suda ŭ Biełastoku pryznaŭ abvinavačanaha Robierta R. vinavatym u tym, što ŭ pieryjad z 23 maja 2003 hoda pa 6 lutaha 2008 hoda ŭ Biełastoku, Varšavie i inšych miescach na terytoryi Polščy i za jaje miežami, dziejničajučy ŭ intaresach zamiežnaj vyviedki, pieradavaŭ dadzienaj vyviedcy infarmacyju, pieradača jakoj moža nanieści škodu Respublicy Polšča».
Robiert R. byŭ kontrraźviedčykam biełastockaha adździeła Ahienctva ŭnutranaj biaśpieki (ABW) i mieŭ dostup da aktualnaj analityčnaj infarmacyi, vałodaŭ dadzienymi fihurantaŭ (asob, jakija raspracoŭvajucca ABW), viedaŭ infarmataraŭ śpiecsłužbaŭ i mieŭ bazu telefonnych numaroŭ asob, jakija raspracoŭvalisia inšymi ahientami, u tym liku biełarusaŭ. Robiert R., pa farmuloŭcy suda, naładziŭ «pazasłužbovyja, tajemnyja kantakty z hramadziankaj Respubliki Biełaruś — Volhaj S.». Nieaficyjna viadoma, što ŭ ich raman.
R. pavinien byŭ viedać, što Volha S. pradstaŭlała intaresy biełaruskaha KDB i mahła być jaho supracoŭnicaj.
Na dumku suda, jon pieradavaŭ Volzie infarmacyju pad hryfam «sakretna» i «zvyšsakretna», u tym liku svaje dadzienyja, mietady pracy ABW ŭ dačynieńni da asob, jakija sprabujuć atrymać dazvoł na žycharstva ŭ Polščy, a taksama papiaredziŭ jaje, što joj cikavicca ABW.
Sud prysudziŭ jaho da šaści hadoŭ pazbaŭleńnia voli. Prysud nie źjaŭlajecca kančatkovym, baki mohuć padać apielacyju.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary