Афіцэр польскай контрвыведкі асуджаны за выдачу інфармацыі беларускай агентцы
Прысуд быў абвешчаны ў панядзелак. Слуханне праходзіла за зачыненымі дзвярыма, але фрагмент пратакола трапіў у распараджэнне польскай газеты «Rzeczpospolita».
З яго вынікае, што «III крымінальны аддзел акруговага суда ў Беластоку прызнаў абвінавачанага Роберта Р. вінаватым у тым, што ў перыяд з 23 мая 2003 года па 6 лютага 2008 года ў Беластоку, Варшаве і іншых месцах на тэрыторыі Польшчы і за яе межамі, дзейнічаючы ў інтарэсах замежнай выведкі, перадаваў дадзенай выведцы інфармацыю, перадача якой можа нанесці шкоду Рэспубліцы Польшча».
Роберт Р. быў контрразведчыкам беластоцкага аддзела Агенцтва ўнутранай бяспекі (ABW) і меў доступ да актуальнай аналітычнай інфармацыі, валодаў дадзенымі фігурантаў (асоб, якія распрацоўваюцца ABW), ведаў інфарматараў спецслужбаў і меў базу тэлефонных нумароў асоб, якія распрацоўваліся іншымі агентамі, у тым ліку беларусаў. Роберт Р., па фармулёўцы суда, наладзіў «пазаслужбовыя, таемныя кантакты з грамадзянкай Рэспублікі Беларусь — Вольгай С.». Неафіцыйна вядома, што ў іх раман.
Р. павінен быў ведаць, што Вольга С. прадстаўляла інтарэсы беларускага КДБ і магла быць яго супрацоўніцай.
На думку суда, ён перадаваў Вользе інфармацыю пад грыфам «сакрэтна» і «звышсакрэтна», у тым ліку свае дадзеныя, метады працы ABW ў дачыненні да асоб, якія спрабуюць атрымаць дазвол на жыхарства ў Польшчы, а таксама папярэдзіў яе, што ёй цікавіцца ABW.
Суд прысудзіў яго да шасці гадоў пазбаўлення волі. Прысуд не з'яўляецца канчатковым, бакі могуць падаць апеляцыю.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары