Asnoŭny akcyjanier i prezident kampanii «Rusał» Aleh Dzierypaska miarkuje, što najhoršaje dla rasijskaj ekanomiki jašče napieradzie, pa mienšaj miery pošuk dna ŭ ekanomicy praciahniecca jašče na try kvartały, paviedamlaje CNBC.
«U Rasii ŭsio jašče kryzis, my pa-raniejšamu bačym mnostva prablem, jakija nieabchodna vyrašać. Ja miarkuju, što ŭ bližejšyja dzieviać miesiacaŭ my budziem zastavacca na dnie», — zajaviŭ rasijski biźniesmien.
Dzierypaska adznačaje, što rasiejskim uładam treba budzie vyrašyć vielmi šmat pytańniaŭ, pierš čym ekanomika ŭbačyć niejkija palapšeńni. Asablivuju ŭvahu Dzierypaska nadaje vałacilnaści na syravinnych rynkach, a taksama praźmiernaj nadziei dziaržavy na dziaržaŭnyja kampanii.
Biźniesmien taksama padkreśliŭ nieefiektyŭnaść daŭhavych rynkaŭ krainy i ŭsioj finansavaj sistemy Rasii ŭ cełym.
Raniej Aleh Dzierypaska padčas inviestycyjnaha forumu «Rasija kliča!» asprečyŭ zajavu kiraŭnika VTB ab tym, što ŭ Rasii niama ekanamičnaha kryzisu. Biźniesmien taksama zaklikaŭ ułady razabracca z ekanamičnaj palitykaj.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary