Rasijanku špitalizavali ŭ Minsku praz mocny pierabor z enierhietykami
Dziaŭčyna vypivała pa dźvie blašanki napoju kožny dzień, pakul u jaje nie pačałasia ciažkaja arytmija.
Pavodle danych SHOT, 25‑hadovaja Alaksandra ź Piermi pryjechała ŭ Biełaruś z mužam na adpačynak.
Da hetaha dziaŭčyna kožny dzień rehularna vypivała pa dźvie vialikija blašanki enierhietyku i ličyła, što heta narmalna.
Praŭda, u Minsku jana vyrašyła zrabić paŭzu, ale sarvałasia za dzień da vyletu. Serca takoha nie vytrymała, i litaralna praź niekalki hadzin paśla dźviuch blašanak rezka ŭpaŭ cisk da krytyčnych 85/55.
Joj vyklikali chutkuju, jakaja zafiksavała puls na adznacy 210 udaraŭ na chvilinu i praciahłaje padzieńnie cisku.
Miedyki ekstranna pastavili katetar i zrabili ŭkoł. Dychańnie turystki narmalizavałasia, stan stabilizavaŭsia, ale nienadoŭha. Na nastupnuju ranicu, kali para źbirałasia dadomu, serca schapiła znoŭ.
Alaksandru zavieźli ŭ balnicu. Uračy dyjahnastavali arytmiju vierchnich žałudačkaŭ i arytmahienny šok. Puls 210 udaraŭ na chvilinu aznačaje, što serca biłasia ŭchałastuju i pierastavała pampavać kroŭ da orhanaŭ. Heta mahło pryvieści da hipaksii mozhu, straty prytomnaści i navat fibrylacyi — faktyčnaha prypynieńnia serca. Paśla vypiski dziaŭčynu nakiravali na daabśledavańnie ŭžo ŭ Rasii.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
[Zredahavana]