Učora sojm Partyi BNF vyrašyŭ pačać praceduru vyznačeńnia svajho kandydata ŭ prezydenty na nastupnych vybarach kiraŭnika krainy.
Admietna, što ŭ svajoj zajavie sojm Frontu havoryć, što voźmie ŭdzieł u vyznačeńni adzinaha kandydata na pasadu prezidenta Biełarusi tolki ŭ vypadku, kali rašeńnie ab pracedury vyznačeńnia takoha kandydata budzie prymacca kansiensusam pradstaŭnikoŭ usich subjektaŭ ADS.
Siarod aktyvistaŭ tak zvanaj abjadnanaj apazicyi ŭžo ciapier, za try hady da prezidenckich vybaraŭ, kažuć pra vyłučeńnie cełaha šerahu kandydataŭ. Prakamientavać hetuju situacyju my paprasili adnaho ź lideraŭ ADS — staršyniu Abjadnanaj hramadzianskaj partyi Anatola Labiedźku:
‑ AHP była ci nie hałoŭnym inviestaram takoha palityčnaha prajektu, jak Abjadnanyja demakratyčnyja siły. I kali ŭsie hetyja inicyjatyvy buduć adbyvacca ŭ miežach hetaha ahulnaha prajekta, kali jość ahulnyja zadačy, ahulnyja mety i ahulnyja abaviazki, to ja staŭlusia da takich inicyjatyvaŭ stanoŭča. Što da samoha vyłučeńnia, to tut, biezumoŭna, pavinny być adčynienyja dźviery jak dla partyjnych aktyvistaŭ, tak i dla tych, chto nie atajasamlivaje siabie ź niejkaj partyjaj.
Što da sioletniaj parłamienckaj vybarčaj kampanii, u jakoj ad Partyi BNF pa ŭsioj Biełarusi ŭdzielničajuć tolki 26 kandydataŭ, to tut, niahledziačy na isnavańnie ŭ Biełarusi ažno 110 vybarčych akruhaŭ, siabry sojmu ŭsio ž vykazali padtrymku dziejańniam kiraŭnictva partyi.
‑ Ja liču, što na dadzienym etapie partyja da vybaraŭ padrychtavanaja. Biezumoŭna, kožnaja partyja pierad vybarami mabilizujecca, šukaje niejkija dadatkovyja resursy, zaraz ja jaskrava baču heta i ŭ dziejańniach našaj partyi, — kaža jejny staršynia Lavon Barščeŭski.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary