Traich aktyvistaŭ, jakija nazirali ad Ruchu «Za Svabodu» ŭ Minskaj vobłaści i adznačylisia vialikaj kolkaściu skarhaŭ, rasšukvaje milicyja. Heta moža być formaj cisku, ličać u arhanizacyi i sami naziralniki.
«Ja viedaju pra try vypadki, — raspavioŭ sajtu Pyx.by siabra Rady Ruchu «Za Svabodu» Vital Amialkovič. — U Słucku, Maładečna i Barysavie. Usie try naziralniki davoli aktyŭna sabie pavodzili, pisali skarhi i nie adnu-dźvie, a na kožnaje parušeńnie».
Pa jahonych słovach, u Słucku ŭčastkovy šukaŭ naziralnika z 56 učastka. «Siońnia jany parazmaŭlali. Skarhi, jakija jon nakiravaŭ u prakuraturu, pieradali ŭ milicyju, a milicyja pieradała ŭčastkovamu», — patłumačyŭ Amialkovič.
Prynamsi, učastkovy apytvaŭ pa skarzie nakont źviestak pra vykarystańnie padroblenych podpisaŭ pad čas vyłučeńnia čalcoŭ kamisii. Pa vynikach razmovy byŭ składzieny pratakoł apytańnia.
«Da barysaŭskaj dziaŭčyny pa miescy rehistracyi prychodziła milicyja, — adznačyŭ siabra Rady Ruchu. — Jana tam nie žyvie, ale maci pieradała, što jaje šukajuć. Dziaŭčyna pierapužanaja zvaniła mnie, pierapytvała, u čym moža być sprava. U prakuraturu jana skarhaŭ nie pisała».
Jašče adnaho naziralnika ad Ruchu «Za Svabodu» Valancina Ciško z Maładziečna vyklikali ŭ milicyju na siońnia ŭ 19.30. «Ja padavaŭ u prakuraturu 4 skarhi, u milicyju pieradali dźvie, — raspavioŭ jon sajtu Pyx.by.
Pa jahonych słovach, skarhi tyčylisia taho, što vybarščyki raspaviadali pra prymus da ŭdziełu ŭ daterminovym hałasavańni, a kamisija na heta nie reahavała, i taho, što kožny dzień staršynia kamisii parušaŭ vybarčaje zakanadaŭstva i davaŭ ličby nie za adzin dzień, a za ŭsie.
Pa vynikach vizitu skłali pratakoł apytańnia i skazali, što pra vynikach pravierki budzie paviedamlena mnie na poštu, dadaŭ naziralnik ad Ruchu «Za Svabodu».
«Ja liču, što takija vyliki ŭ milicyju — heta sproba papałochać, papužać aktyŭnych naziralnikaŭ, maleńkaja sproba nie fizičnaha, a maralnaha cisku, — kaža Ciško. — Bo takija skarhi — nie ŭ kampietencyi milicyi. Plus pieradali nie ŭsie zajavy». Aktyvist dadaŭ, što, nakolki jon viedaje, z maładziečanskich niezaležnych naziralnikaŭ pakul vyklikali tolki jaho.
Jak cisk na naziralnikaŭ razhladaje vykliki ŭ milicyju i Vital Amialkovič, prynamsi ŭ vypadkach u Maładziečna i Barysavie.
«Barysaŭ prasłaviŭsia tym, što na hetych vybarach tam zvolnili z pracy naziralnicu. U Maładziečna ŭsio taksama było nie ŭsio tak prosta: byli historyi, kali pradziaržaŭnyja naziralniki pravakavali niezaležnych, heta było nie adzin raz», — padkreśliŭ siabra Rady Ruchu «Za Svabodu».
Mahčyma, taksama, što heta niejkaja forma pomsty praź vialikuju kolkaść skarhaŭ ad hetych naziralnikaŭ, zaklučyŭ Amialkovič.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary