Sidorski: Pierapracoŭčyja pradpryjemstvy ŭ čarnobylskich rajonach pavinny adnavić pracu

Pierapracoŭčyja pradpryjemstvy ŭ paciarpiełych ad avaryi na ČAES rajonach pavinny adnavić pracu. Jak paviedamiła pres‑słužba ŭrada, pra heta zajaviŭ premjer‑ministr Siarhiej Sidorski 19 sakavika na pasiadžeńni prezidyuma Savieta ministraŭ.

Kiraŭnik urada źviarnuŭ uvahu na toje, što pry realizacyi prahram pieraprafilavańnia ŭ takich rehijonach «pavinien być raskryty ŭvieś technałahičny łancužok, pačynajučy ad narychtoŭki syraviny i zakančvajučy atrymańniem čystaj pradukcyi». S.Sidorski padkreśliŭ, što dziaržava ŭkładvaje vialikija srodki ŭ 2008 hodzie ŭ vyrašeńnie čarnobylskich prablem, i hetyja «hrošy pavinny davać addaču, pradpryjemstvy pavinny pracavać».

Jak paviedamiŭ ministr pa nadzvyčajnych situacyjach Envier Baryjeŭ, u 2007 hodzie pravodzilisia mierapryjemstvy pa pieraprafilavańni 39 najbolš prablemnych u płanie vytvorčaści narmatyŭna čystaj pradukcyi haspadarak Homielskaj i Mahiloŭskaj abłaściej. U 27 ź ich pieraprafilavańnie zavieršana, zabiaśpiečana značnaja vytvorčaść pradukcyi z panižanym utrymańniem radyjenuklidaŭ.

Na vyrašeńnie čarnobylskich prablem sioleta z respublikanskaha biudžetu płanujecca vydzielić 625,3 młrd. rubloŭ, paviedamiŭ E.Baryjeŭ. Pavodle słoŭ ministra, sioleta ŭ paciarpiełych rehijonach budzie praciahvacca budaŭnictva ab\jektaŭ vodazabieśpiačeńnia dla zabieśpiačeńnia nasielnictva jakasnaj pitnoj vadoj, žylla dla śpiecyjalistaŭ, jakija prybyli na pracu va ŭstanovy adukacyi, sielskahaspadarčyja arhanizacyi i arhanizacyi achovy zdaroŭja, a taksama žylla dla invalidaŭ‑čarnobylcaŭ. Namiečana praciahvać uźviadzieńnie dziciačych lačebnych i prafiłaktyčnych ustanoŭ, hazifikacyju indyvidualnych žyłych damoŭ. Usiaho na hetyja mety płanujecca nakiravać 107,5 młrd. rubloŭ.

Praduhledžvajecca realizavać mierapryjemstvy pa praviadzieńni kompleksu achoŭnych mier u sielskaj i lasnoj haspadarkach, zabieśpiačeńni radyjacyjnaj abarony hramadzian, jakija pracujuć na zabrudžanaj terytoryi, pastaŭcy minieralnych uhnajeńniaŭ, vapnavańni kisłych hlebaŭ, pieraprafilavańnie haspadarak, raźmieščanych na zabrudžanych terytoryjach. Ź biudžetu na hetyja mety budzie vydzielena 130,3 młrd. rubloŭ.

U 2007 hodzie na vyrašeńnie čarnobylskich prablem było nakiravana 632,8 młrd. rubloŭ, ź jakich 516,6 młrd. składajuć subviencyi, pieradadzienyja ŭ abłasny biudžet.

Maryna Nosava, BiełaPAN

• 0
• 0
• 0
• 0
• 0
• 0
• 0
• 0