Пра гэта заявіў прэм’ер‑міністар на пасяджэньні прэзыдыюму Савета міністраў.
Кіраўнік урада звярнуў увагу на тое, што пры рэалізацыі праграм перапрафілявання ў такіх рэгіёнах «павінен быць раскрыты ўвесь тэхналагічны ланцужок, пачынаючы ад нарыхтоўкі сыравіны і заканчваючы атрыманнем чыстай прадукцыі». С.Сідорскі падкрэсліў, што дзяржава ўкладвае вялікія сродкі ў 2008 годзе ў вырашэнне чарнобыльскіх праблем, і гэтыя «грошы павінны даваць аддачу, прадпрыемствы павінны працаваць».
Як паведаміў міністр па надзвычайных сітуацыях Энвер Барыеў, у 2007 годзе праводзіліся мерапрыемствы па перапрафіляванні 39 найбольш праблемных у плане вытворчасці нарматыўна чыстай прадукцыі гаспадарак Гомельскай і Магілёўскай абласцей. У 27 з іх перапрафіляванне завершана, забяспечана значная вытворчасць прадукцыі з паніжаным утрыманнем радыенуклідаў.
На вырашэнне чарнобыльскіх праблем сёлета з рэспубліканскага бюджэту плануецца выдзеліць 625,3 млрд. рублёў, паведаміў Э.Барыеў. Паводле слоў міністра, сёлета ў пацярпелых рэгіёнах будзе працягвацца будаўніцтва аб\’ектаў водазабеспячэння для забеспячэння насельніцтва якаснай пітной вадой, жылля для спецыялістаў, якія прыбылі на працу ва ўстановы адукацыі, сельскагаспадарчыя арганізацыі і арганізацыі аховы здароўя, а таксама жылля для інвалідаў‑чарнобыльцаў. Намечана працягваць узвядзенне дзіцячых лячэбных і прафілактычных устаноў, газіфікацыю індывідуальных жылых дамоў. Усяго на гэтыя мэты плануецца накіраваць 107,5 млрд. рублёў.
Прадугледжваецца рэалізаваць мерапрыемствы па правядзенні комплексу ахоўных мер у сельскай і лясной гаспадарках, забеспячэнні радыяцыйнай абароны грамадзян, якія працуюць на забруджанай тэрыторыі, пастаўцы мінеральных угнаенняў, вапнаванні кіслых глебаў, перапрафіляванне гаспадарак, размешчаных на забруджаных тэрыторыях. З бюджэту на гэтыя мэты будзе выдзелена 130,3 млрд. рублёў.
У 2007 годзе на вырашэнне чарнобыльскіх праблем было накіравана 632,8 млрд. рублёў, з якіх 516,6 млрд. складаюць субвенцыі, перададзеныя ў абласны бюджэт.
Цяпер чытаюць
Прахадныя балы ў медыцынскія ўніверсітэты ўпершыню істотна ўпалі ЛІЧБЫ1
Прахадныя балы ў медыцынскія ўніверсітэты ўпершыню істотна ўпалі ЛІЧБЫ
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары